Lajme

Kurti në konferencën e organizuar nga të majtët në përgatitje për zgjedhjet europiane: Kosova e lumtur të punojë mbi vlerat e përbashkëta

Autori: Gazeta inFokus 15:35 | 07 April 2024

Kryeministri Albin Kurti ka njoftuar se dje mori pjesë në konferencën dhe takimin e liderëve të organizuar nga Partia Socialiste Europiane (PES).

Kurti shkroi se ishte “një kënaqësi” të merrte pjesë në konferencën me temën “Ne qëndrojmë së bashku – për Europën tonë!”.

“Kosova është një përkrahëse e vendosur e të drejtave demokratike të bazuara në mirëqenien e të gjithëve dhe është e lumtur të punojë me demokracitë e tjera europiane mbi vlerat e përbashkëta”, shkroi Kurti në “X”.

-Advertisement-

Kryeministri udhëtoi dje për në Bukuresht të Rumanisë, për të marrë pjesë në këtë konferencë, “në kuadër të përgatitjeve për zgjedhjet europiane në qershor të këtij viti”, siç njoftoi Zyra e Kryeministrit.

Subscribe në YouTube: GAZETA INFOKUSI