Lajme

Kurti në Ditën e Dëshmorëve: Janë ata që me jetën e tyre, mundësuan lirinë si kusht dhe dinjitetin si atribut të jetëve tona

Autori: Gazeta inFokus 14:28 | 05 May 2022

Kryeministri i Kosovës, Albin Kurti, me rastin e 5 majit Ditën e Dëshmorëve të popullit shqiptar ka kujtuar të gjithë ata që luftuan dhe ranë për lirinë e atdheut, shkruan Gazeta Infokus.

Kurti përmes një postimi në “Facebook”, ka thënë se ata janë shkruesit, aktorët dhe publiku i të gjitha akteve të dramave të historisë së kombit shqiptar.

“Janë ata, që idealet e lirisë dhe dashurisë për atdheun, i trupëzuan në qenien e tyre. Ata janë njëshat e dalë nga shumësia jonë, që mendimet dhe bindjet politike, i përkthyen në veprime dhe betejë. Janë ata që me jetën e tyre, mundësuan lirinë si kusht dhe dinjitetin si atribut të jetëve tona. Ata janë dëshmorët e kombit! 5 maji, është dita e të gjithë dëshmorëve të rënë kurdo dhe kudo për lirinë e popullit shqiptar”, ka shkruar Kurti.

-Advertisement-

Poashtu përmes këtij njoftimi kryeministri tha se 5 maji është dita e përkujtimit të veprës së tyre.

“Dëshmorët janë dëshmitarët aktivë të secilit hap të bërë prej paraardhësve, prej nesh dhe prej pasardhësve tanë, në udhëtimin tonë të përbashkët që kurrë nuk përfundon, të quajtur histori. 5 maji është dita e përkujtimit të veprës së tyre, kurse liria jonë, është vetë kjo vepër, e jetuar si gjendje prej të gjallëve të secilit brez, të shkuar, të tashëm dhe atyre që do të vijnë. Ata janë emra të përveçëm, të rënë në grup apo individualisht, në rrugë dhe kohëra të ndryshme, që shkojnë e shkrihen në një vorbull që përmbledhë të gjitha lëvizjet e shqiptarëve për liri. Dhe të gjithë këta emra individësh, kanë një emër të përbashkët, emërtuesin e tejkohshëm të dëshmorit të kombit”, ka shtuar Kurti./Gazeta Infokus/

Më poshtë gjeni postimin e plotë të tij:

Subscribe në YouTube: GAZETA INFOKUSI
Etiketa:

Të tjera

Fokusi

lajme