Lajme

Kurti: Me t’u zbardhur drita u pa se çfarëdo grupi terrorist nuk ka kurrfarë shanse me Policinë e Kosovës

Autori: Gazeta inFokus 12:23 | 28 September 2023

Kryeministri, Albin Kurti është deklaruar rreth ngjarjes së të dielës ku mbeti i vrarë një rreshter policor, pas sulmit ngas grupi terrorist serbë në Banjskë të Zveçanit.

Ai tha se ky ishte sulm i orkestruar që cenoi rendin kushtetues dhe sigurinë e vendit.

“Të dielën e 24 shtatorit përjetuam një sulm agresor të bandave kriminale e terroristë të Serbisë, jo vetëm ndaj Policisë së Kosovës por ndaj shtetit e Republikës, rendit e sigurisë sonë. Sulmi i orkestruar i bandave të maskuara kriminale e terroriste e vrau zyrtarin tanë policor, rreshterin Afrim Bunjaku dhe plagosi një polic tjetër. Ishte ditë e rëndë për vendin tonë dhe mbarë kombin tonë”, tha ai.

-Advertisement-

Më tutje Kurti deklaroi se rreshterin Bunajku grupi serb e vrau në pritë në errësirë.

“Terroristët ose janë vrarë, ose janë arrestuar ose janë në ndjekje pasi që ikën. Afrim Bunjaku është heroi më i ri i Kosovës. I vetmi polic u vra në këtë ballafaqim ishte ai që u vra në pritë në 03:00 të mëngjesit kur ishte natë dhe errësirë. Ndërkaq me t’u zbardhur drita u pa se çfarëdo grupe terroriste e kriminale nuk kanë kurrfarë shanse me Policinë e Kosovës. Ata u vranë, u arrestuan ose po ndiqen sepse janë në ikje”, tha ai.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit

Të tjera

Fokusi

lajme