Kurti: Me Gjermaninë kemi lidhje të forta
Autori: Gazeta inFokus 22:50 | 29 September 2022
Kryeministri Albin Kurti e ka quajtur miqësinë mes Kosovës dhe Gjermanisë si të veçantë, e kultivuar sipas tij, nga mërgimtarët që jetojnë atje Në Ditën e Bashkimit të Gjermanisë, në pritjen e organizuar nga ambasadori gjerman Jorn Rohde, Kurti tha se me Gjermaninë ndajmë konceptimin e njëjtë të të drejtave themelore të njeriut dhe të vlerave liberale dhe sociale.
Shefi i ekzekutivit tha se 29 shtatori duhet të kujtohet dhe festohet me gëzim pasi Gjermania kaloi një kryengritje paqësore dhe se qytetarët e Republikës Demokratike Gjermane nuk do t’u frikësoheshin më të shtënave vdekjeprurëse te kufiri apo që po spiunoheshin nga shteti i vet.
“Kjo kryengritje paqësore ka ardhur jo vetëm se ishte vullnet i popullit, por edhe se NATO dhe komuniteti evropian qëndronin të vendosur, se udhëheqës të mençur dhe largpamës, nga Gorbachev te Reagan, nga Miterrand te Kohl, mundën të lexonin shenjat e kohës së vet. Nga këto përvoja, mësojmë dhe zhvillohemi”, tha Kurti.
Ai u shpreh se kosovarët janë të gëzuar që e njohin një Gjermani të bashkuar demokratike, me popullin e mirë dhe qeverinë e besuar në krah të vet.
“Të gjithë ne e dimë se miqësia jonë është e veçantë. Nuk është e bazuar vetëm në interesa strategjike, politike apo ekonomike. Është shumë më shumë se kaq: Ne ndajmë konceptimin e njëjtë të të drejtave themelore të njeriut dhe të vlerave liberale dhe sociale. Kemi këtë lidhje që është e fortë, këtë lidhje që, në masë të madhe, bartet nga mërgimtarët tanë që banojnë në Gjermani, të cilët janë po ashtu të angazhuar thellësisht në Kosovë, me zemrat dhe mendjet dhe kursimet e veta. Nëse e kam zili Gjermaninë për diçka, përveç që na kanë sjellë dijetarët dhe kompozitorët më të famshëm, është se ajo është vendbanimi i gjithë këtyre njerëzve punëtorë. Na keni borxh të madh”, u shpreh Kurti.
Kurti tha se Kosova i është mirënjohës Gjermanisë që iu dha strehë refugjatëve kosovarë gjatë dekadës së fundit të shekullit 20, pastaj që qëndroi e vendosur me NATO-n dhe me popullin tonë për të ndalur gjenocid, mirënjohës për më shumë se 1 miliardë euro në ndihmë zhvillimore dhe për mbështetje të vazhdueshme politike në rrafshin ndërkombëtar.
“Pikërisht ata që nuk dëshironin që të binte muri në Berlin, tashmë po bëjnë një luftë kriminale kundër Ukrainës. Ata humbën atëherë dhe, tri dekada më vonë, do të humbasin përsëri”, përfundoi Kurti.
Të tjera
-
Nis takimi trepalësh në Bruksel
Përfaqësues të Kosovës dhe Serbisë ndodhen sot në Bruksel për takimin e radhë...
-
Roth reagon pas kërcënimeve të Presidentit serb: Serbia në krye me Vuçiqin s’mund të hyjë në BE
Presidenti serb, Aleksandar Vuçiq, së fundi tentoi të bëjë të zgjedhë Perëndi...
-
Kurti falënderon Çekinë për rolin dhe kontributin në rrafshin e sigurisë së Kosovës
Kryeministri i Kosovës, Albin Kurti, e ka uruar ambasadorin çek në Kosovë, Bo...
-
Kosova për herë të parë në Lojërat Paralimpike, Osmani: Moment historik
Kosova do të përfaqësohet për herë të parë në Lojërat Paralimpike “Paris 2024...
-
Kurti priti në takim deputetin e Këshillit Kombëtar të Zvicrës, Islam Aliaj
Kryeministri Albin Kurti, ka pritur në takim deputetin e Këshillit Kombëtar t...
-
Për një javë, gjobiten 1,245 shoferë dhe pasagjerë që nuk e vendosen rripin e sigurisë
Policia e Kosovës ka bërë të ditur se ka për një javë ka shqiptuar 1,245 gjob...
-
Akuza për bullizëm, Hajdari i kërkon Shalës t’i “sanksionojë” deputetët Lekaj dhe Bunjaku
Raportimi i ministres së Industrisë, Ndërmarrësisë dhe Tregtisë, Rozeta Hajda...
-
Lista e zezë e SHBA-së, Miftaraj: Kur shtetet e Ballkanit dështojnë të ndajnë drejtësi, DASH-i merr masa
Drejtori i Institutit të Kosovës për Drejtësi, Ehat Miftaraj, ka komentuar ve...
-
Nis takimi i Lajçakut me Petkoviqin
Nis takimi i Lajçakut me Petkoviqin I dërguari special i Bashkimit Evropia...
-
Banka Botërore 90 milionë euro kredi Kosovës
Bordi i Drejtorëve Ekzekutiv të Bankës Botërore ka miratuar sot Kredinë e Par...
-
Konjufca për zgjedhjet në Veri: Peticioni mund të ketë sukses, flamuri do të mbrohet me çdo kusht
Kryetari i Kuvendit, Glauk Konjufca, gjatë një interviste mbrëmë ka folur për...
-
La djalin 3 vjeçar vetëm në banesë për të shkuar në ditëlindje, nga Prokuroria dhe Qendra për Punë Sociale flasin për rastin
Një grua nga Fushë Kosova ka përfunduar në mbajtje për 48 orësh, pasi e njëjt...