Lajme

Kurti: Mbrëmë fitoi opozita, sonte duhet të fitojë shteti

Autori: Gazeta inFokus 16:50 | 03 April 2021

Kryeministri Albin Kurti nëpërmjet një statusi në Facebook ka thënë se mbrëmë ka fituar opozita, kurse sonte duhet të fitojë shteti, shkruan Gazeta Infokus.

Ai ka thënë se projektligji i mbrëmshëm nuk kishte të bënte me reformën zgjedhore por me mundësimin e votimit të mërgatës në ambasadat e konsullatat e Kosovës.

Statusi i plotë:

-Advertisement-

“Mbrëmë fitoi opozita, sonte duhet të fitojë shteti. Zgjedhja e Presidentes së Republikës është fitore për Kosovën. Ajo nuk është kundër askujt dhe është për të gjithë. Me zgjedhjen e Presidentes përmbyllet hapi i tretë i konstituimit të institucioneve të legjislaturës së tetë.
Pas fitores me 50,28% të votave në zgjedhjet e 14 shkurtit, ne jemi shumica në Kuvendin e Kosovës. Mbrëmë deputetët tanë ishin shumica, por nuk ishin 2/3 e të pranishmëve. Nuk arritëm të procedojmë me projektligjin që ua mundëson mërgatës të votojë në ambasadat e konsullatat tona.
Ky Projektligj nuk kishte të bënte me reformën zgjedhore. Sidoqoftë, ai sot nuk është aktual. Sot kemi seancën për zgjedhjen Presidente të znj. Vjosa Osmani. Menjëherë pas kësaj formojmë komisionin ku bashkë me opozitën punojmë, pajtohemi dhe sivjet e përmbyllim reformën zgjedhore”, ka shkruar Kurti në Facebook./Gazeta Infokus/

Subscribe në YouTube: GAZETA INFOKUSI
Thyhet REKORDI I ZBRITJEVE!

Të tjera