Lajme

Kurti: Kulla e Jasharëve është një margaritar i historisë sonë të lavdishme

Autori: Gazeta inFokus 09:46 | 22 January 2022

Kryeministri i Kosovës, Albin Kurti, sot ka bërë homazhe tek varrezat e Jasharëve, për përvjetorin sulmit të dytë ndaj tyre.

Gjithashtu ai ka folur edhe për ndërhyrjet emergjente që janë duke u bërë te Kulla, duke thënë se ajo është një margaritar i historisë sonë të lavdishme.

“Sot me rastin e 24 vjetorit të sulmit mbi Jasharët, në 22 janarin e vitit 1998 erdhëm të bëjmë homazhe tek varret e tyre dhe njëkohësisht më pas të shikojmë se si janë duke u bërë ndërhyrjet emergjente në kullën e Jasharëve, si janë duke u bërë shtrëngimet fillestare në mënyrë që kjo ndërtesë të mos degradohet dhe të mbrohet”, tha kryeministri Kurti.

-Advertisement-

“Sot janë bërë 24 vjet prej kur forcat e shumta policore e ushtarake të Serbisë ja mësynë gjatë luftës çlirimtare për herë të parë kullës së Jasharëve e meqë rast e patën plagosur Selvete Jasharin vajzën e Hamëz Jasharit dhe Iliriana Jashari vajzën e Rifat Jasharit, Selvetja më pas vritet gjatë Epopesë së UÇK-së me 5, 6, 7 mars të vitit 1998”.

I pari i ekzekutivit gjithashtu tha se e ka kemi obligim institucional kombëtarë e shoqëror që këtë objekt të historisë të veçantë të Kosovës dhe kombit shqiptarë në përgjithësi ta mirëmbajmë.

“Para se të ndodhte Epopeja e UÇK-së ka pasur edhe sulme tjera mbi këtë kullë, sulmi i parë në këtë kullë është në vitin 1991, ne e kemi obligim institucional kombëtarë e shoqëror që këtë objekt të historisë të veçantë të Kosovës dhe kombit shqiptarë në përgjithësi ta mirëmbajmë sepse është një margaritar i historisë sonë të lavdishme e njëkohësisht edhe të dhimbshme”, shtoi Kurti.

Subscribe në YouTube: GAZETA INFOKUSI