Lajme

Kurti: Kosova i përket Evropës dhe tashmë qytetarët do mund të ndihen evropianë

Autori: Gazeta inFokus 16:41 | 19 April 2023

Pas nënshkrimit të vendimit për liberalizim të vizave, Zyra e Kryeministrit Albin Kurti, ka thënë se Kosova ishte vendi i fundit në Ballkan që akoma kishte regjim të vizave.

Sipas kësaj zyre, Kosova i përket Evropës dhe tashmë qytetarët tanë do mund të ndihen evropianë.

“Pas shumë viteve pritjesh, në një ceremoni të organizuar në Parlamentin Evropian në Strasburg, u nënshkrua zyrtarisht vendimi për liberalizimin e vizave për Kosovën. Vendimi u nënshkrua nga përfaqësuesit e dy institucioneve të BE-së, Parlamentit Evropian dhe Këshillit, respektivisht nga Presidentja e Parlamentit Evropian, Roberta Metsola dhe Jessika Rosëall, Ministrja për Çështje Evropiane e Suedisë. Prezent në këtë ceremoni ishte dhe zëvendëskryeministri i parë për Integrim Evropian, Zhvillim dhe Dialog, i Republikës së Kosovës, Besnik Bislimi dhe ministrja e Punëve të Jashtme dhe Diasporës, Donika Gërvalla”.

-Advertisement-

Vendimi i nënshkruar sot, do të publikohet në gazetën zyrtare dhe hyn në fuqi 20 ditë pas publikimit.

Sipas këtij vendimi, qytetarët e Kosovës do të mund të lëvizin pa viza në zonën Schengen nga data 1 janar 2024.

“Liberalizimi i vizave ishte një proces i gjatë dhe i vështirë, i cili më në fund u arrit të përmbyllej me sukses. Kosova ishte vendi i fundit në Ballkan që akoma kishte regjim të vizave. Kosova i përket Evropës dhe tashmë qytetarët tanë do mund të ndihen evropianë”.

Subscribe në YouTube: GAZETA INFOKUSI