Lajme

Kurti kërkon liberalizimin e vizave: Kur pandemia të përfundojë, kosovarët do të jenë sërish të izoluar

Autori: Gazeta inFokus 13:56 | 17 March 2020

Kryeministri i Kosovës, Albin Kuri, gjatë videokonferencës së sotme “Western Balkan Conference”, të organizuar nga kancelari austriak Sebastian Kurz, ka thënë se tash të gjithë kufijtë janë të mbyllur, por kur të përfundojë problemi me pandeminë koronavirus, qytetarët e Kosovës sërish do të jenë të izoluar.

Sipas një njoftimi nga Zyra e tij për komunikim, ai ka kërkuar liberalizimin e vizave për qytetarët e Kosovës.

“Kryeministri i Republikës së Kosovës, Albin Kurit, mori pjesë në videokonferencën e sotme  “Western Balkan Conference” të organizuar nga Kancelari Austriak z. Sebastian Kurz, e ku ishin prezentë Komisioneri Evropian z. Varhelyi, Ministri i Punëve të Jashtme të Austrisë, z. Schallenberg, Ministrja për BE-në, znj. Edtstadler, dhe të gjithë Kryeministrat e tjerë të Ballkanit Perëndimor.

-Advertisement-

Në fjalën e tij, Kryeministri Kurti, përveç tjerash, theksoi:

Popullsia e Kosovës është e re dhe energjike prandaj nuk dyshoj se ne mundemi të punojmë shumë. Por, është e domosdoshme që edhe Bashkimi Evropian të punojë dhe të jetë i përkushtuar për neve.

Në këtë krizë pandemie ku qytetet e shtetet gjithandej globit po i mbyllin kufijtë e po i izolojnë njerëzit e tyre, ne e kuptojmë se sa e rëndësishme është liria e lëvizjes. Por kur pandemia të përfundojë, qytetarët gjithandej Evropës do të jenë të gatshëm të lëvizin lirshëm sërish nëpër Evropë, përderisa ne në Kosovë do të mbetemi të izoluar. Liberalizimi i vizave për qytetarët e Kosovës është stërgjatë” thuhet nw njoftimin e kryeministrit.

Albin Kurti gjatë kësaj bisede me liderët e Ballkanit është parë i shoqëruar me Ministrin e Integrimit, Blerim Reka. /Gazeta inFokus/.

 

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme