Lajme

Kurti: Jemi duke ia thyer rekordin edhe vetes, kemi arritur më shumë suksese se çdo qeveri tjetër

Autori: Gazeta inFokus 11:16 | 12 October 2022

Kryeministri i Kosovës, Albin Kurti në mbledhjen e 100-të të Qeverisë, sikur në çdo mbledhje ka renditur të arriturat e Qeverisë së tij.

Kurti ka lavdëruar qeverisjen e tij duke thënë se është “Qeveria që ka arritur më shumë suksese se çdo Qeveri tjetër”.

Madje Kurti ka thënë se më të arriturat në këtë periudhë të vitit 2022, janë duke e thyer rekordin e vetë Qeverisë së tij të arritur gjatë vitit 2021.

-Advertisement-

“Si Qeveri kemi arritur më shumë suksese se çdo qeveri tjetër brenda këtij 1.5 vjeçari të parë.

Kemi rikthyer sistemin e financave publike në binar duke e ulur borxhin publik. Kjo dëshmon përgjegjshmëri për paranë publike.

Kemi ofruar mbi 750 milionë mbështetjet për qytetarët dhe bizneset për përballje me pasojat e pandemisë, krizës energjetike e rritjes së çmimeve.

Kemi rritjen ekonomike historike në vendin tonë me 10.7 përqind vitin që shkoi. Kemi rritje enorme të të hyrave buxhetore për vitin 2021, me trend të ngjashëm për vitin 2022. Viti 2021 ishte vit me të arritura të suksesshme, e në vitin 2022 jemi duke e thyer rekordin e vetes. Kemi bërë luftim të pakompromis të krimit të organizuar e kontrabandës. Nga janari deri në gusht të këtij viti kemi 15 mijë vende pune më shumë”, tha Kurti ndër të tjera në mbledhjen e Qeverisë që është duke vazhduar.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme