Lajme

Kurti i vendos sot gurthemelet e dy urave mbi Ibër, pavarësisht që Brukseli i kërkoi të përmbahet

Autori: Gazeta inFokus 11:40 | 01 July 2025

Zyra e Kryeministrit ka konfirmuar se sot do të vendoset gurthemeli për dy urat e reja mbi lumin Ibër që do të lidhin Mitrovicën e Veriut dhe atë të Jugut.

Në këtë ngjarje do të marrë pjesë edhe kryeministri në dorëheqje, Albin Kurti, bashkë me vartësit e tij, Elbert Krasniqi dhe Liburn Aliu.

Ndërkaq, nga komunat prezentë do të jetë me kryetarin e Komunës së Mitrovicës së veriut, Erden Atiq, që vjen nga partia e Kurtit dhe nga ajo e Jugut do të jetë nënkryetari Arian Tahiri.

-Advertisement-

Lidhur me të ardhmen e Urës së Ibrit nga Brukseli kanë thënë për Gazetën Express se BE është duke u koordinuar ngushtë me partnerët e saj dhe kanë kërkuar nga institucionet e Kosovës të përmbahen nga çfarëdo vendimi i pakoordinuar, përfshirë edhe synimin për ndërtimin e dy urave të reja ngjitur me Urën kryesore.

Aktivitetet:

1. Vendosja e gurthemelit të urës për kalim të veturave mbi lumin Ibër

KOHA: 17:00

VENDI: Në afërsi të objektit të Komunës së Mitrovicës së veriut, Mitrovicë e veriut

2. Ecje e përbashkët drejt vendosjes së gurthemelit të urës për kalim të këmbësorëve mbi lumin Ibër

KOHA: 17.15

3. Vendosja e gurthemelit të urës për kalimin e këmbësorëve mbi lumin Ibër

KOHA: 17:30

VENDI: Përballë kopshtit të fëmijëve “Gëzimi ynë”, Mitrovicë e jugut

Pas vendosjes së gurthemelit të urës për kalimin e këmbësorëve do të ketë prononcim të përbashkët për media

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme