Lajme

Kurti i thotë pse po flet në emër të mësuesve, Haradinaj i përgjigjet: Edhe unë kam qenë mësues

Autori: Gazeta inFokus 14:24 | 29 September 2022

Kuvendi i Kosovës sot filloi me debatin pozitë-opozitë lidhur me gjendjen në arsim, rrjedhimisht grevën, ku për katër javë u humb procesi mësimor.

Kryetari i Aleancës për Ardhmërinë e Kosovës, duke folur për gjendjen në arsim, e ka quajtur Kurtin “good guy” (djalë i mirë), ndërsa theksoi se nuk është duke nënshtruar PAN-in por mësuesit.

“Ajo që isha tu e thanë është shumë e thjesht ky ‘good guy’ ynë këtu është rrit duke i urryer regjimet. Prej që është bë regjim u kthy duke i urryer ata që e kanë pru këtu, armiqtë e brendshëm sindikatat, mësuesit”, tha Haradinaj.

-Advertisement-

“Nuk je tu e nënshtrua PAN-in je tu i nënshtrua mësuesit e ata ta tregojnë qejfin kur të vie vakti”, tha Haradinaj.

Pas tij, fjalën e mori kryeministri Kurti i cili tha se i duket e çuditshme që Haradinaj flet në emër të mësuesve.

“Unë nuk flas për kurrfarë armiqsh të brendshëm sepse këto nuk janë as shprehje as mënyra të mia. Por, ju sapo e dëgjuat deputetin Haradinaj që tha se ‘mësuesit ta tregojnë qefin kur vjen koha’. Mu duk e çuditshme që Haradinaj flet në emër të mësuesve”.

Pas kësaj, reagoi sërish kryetari i AAK-së, duke thënë se ka qenë mësues.

Në replikën e tij, i pari i AAK-së tha se “edhe unë kryeministër kam qenë mësues njëherë”. “Ndoshta ti s’e beson por me 5-she”, ka vazhduar ai.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme