Lajme

Kurti-gazetarëve të strehuar nga Ukraina e Afganistani: Kosova shtëpia juaj e dytë

Autori: Gazeta inFokus 16:17 | 11 December 2023

Në rezidencën e ambasadorit gjerman në Kosovë, Jorn Rohde, së bashku me përfaqësues të Asociacionit të Gazetarëve dhe Qendrës Evropiane për Liri të Shtypit dhe Medieve, kryeministri i Republikës së Kosovës, Albin Kurti, takoi gazetarët nga Ukraina dhe Afganistani që po strehohen në Kosovë nëpërmjet programit Journalists-in-Residence (JiR Kosovo).

Sipas Qeverisë, para se t’i falënderojë për shërbimin, jo vetëm ndaj vendit po edhe ndaj parimeve universale të demokracisë dhe të drejtave të njeriut, kryeministri Kurti i siguroi se ata janë të mirëpritur në Kosovë dhe se populli i Kosovës e kupton shumë mirë se si është të jesh larg vendlindjes dhe familjes, e pa e ditur se kur do të mund të kthehesh përsëri.

Ai uroi që vitin tjetër do të jetë e mundur për ata që të kthehen të sigurt në vendet e tyre të origjinës, por se deri atëherë dhe përherë le ta konsiderojnë Kosovën si shtëpinë e tyre të dytë.

-Advertisement-

“Journalists-in-Residence (JiR Kosovo) është program që financohet nga Qeveria e Republikës së Kosovës dhe i cili mbulon koston e jetesës, pagat dhe zyrat, për t’u mundësuar gazetarëve të strehuar të punojnë nga distanca. Nga shkurti i vitit 2022, deri më tani janë 23 gazetarë përfitues, prej të cilëve 18 ukrainas dhe 5 afganë. 15 gazetarë vazhdojnë të banojnë ende në Kosovë. Ky program zbatohet nga Asociacioni i Gazetarëve të Kosovës, me mbështetjen e iniciativës Hannah Arendt”, thuhet në komunikatë.

Subscribe në YouTube: GAZETA INFOKUSI
Etiketa:
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera

Fokusi

lajme