Lajme

Kurti fton në takim tre liderët opozitarë për të diskutuar për takimin e fundit në Bruksel

Autori: Gazeta inFokus 15:26 | 28 August 2022

Kryeminstri i Kosovës, Albin Kurti përmes fjalimit të tij në mbledhjen e përgjithshme e këshillit të Vetëvendosjes i ka ftuar në takim tre liderët e opozitës, Lumir Abdixhikun, Memli Krasniqin dhe Ramush Haradinajn.

Ai u shpreh se këtë ftesë po ua bën për të diskutuar për takimin e fundit në Bruksel.

“Ne jemi për dialog me parime dhe për proces transparent, prandaj edhe sot i dërgojë ftesë tre krerëve opozitarë për t’i informuar e për të diskutuar për takimin e fundit që kemi pasur në Bruksel dhe sfidat që i ka shteti ynë përpara”, tha ai.

-Advertisement-

Kurti u shpreh se pavarësisht dallimeve që mund të kenë, ato nuk duhet ta tejkalojnë interesin shtetëror.

“Ne jemi demokraci e demokracia është e zhurmshme edhe e komplikuar, secili prej nesh kemi mendimet tona dhe kur përballemi me vendime të mëdha është e natyrshme që të kemi edhe dallime e mospajtime, pos asnjëherë dallimet tona nuk duhet të tejkalojnë interesin tonë shtetëror e kombëtar, shoqëror e qytetarë”, është shprehur ai.

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme