Lajme

Kurti: Fëmijët nuk zgjedhin kush i udhëheq, të sigurohemi që demokracia s’po i diskriminon

Autori: Gazeta inFokus 12:42 | 20 November 2021

Kryeministri Albin Kurti, tha se fëmijëve duhet që tu ofrohet mundësi që të rriten në një mjedis të sigurt dhe të shëndetshëm.

Kreu i Qeverisë në shënimin e Ditës Botërore të Fëmijëve, organizuar nga UNICEF-i, shtoi se fëmijët nuk e zgjedhin vendin ku rriten e kush i udhëheq.

Prandaj sipas tij, institucionet duhet të sigurohen që demokracia nuk po i diskriminon, duke shtuar se të rriturit nuk i dëgjojnë gjithmonë fëmijët, por që kjo qasje duhet të ndryshohet.

-Advertisement-

Angazhimi i të gjithëve për tu ofruar fëmijëve mundësi të barabarta, për Kurtin duhet të jetë prioritet i të gjithëve.

“Pavarësisht të gjithë fëmijët duhet ta kenë mundësin për tu rritur në një mjedis të sigurt dhe të shëndetshëm, fëmijët përballen me sfida në gjithë botën. Është e domosdoshme që të drejtat e fëmijëve të jenë prioritet. Bashkë duhet të shtojmë përpjekjet për shoqëri për fëmijët tonë”.

“Fëmijët nuk e zgjedhin vendin ku rriten e kush i udhëheq, duhet të sigurohemi që demokracia nuk po i diskriminon. Është me rëndësi të marrim parasysh atë që kanë nevojë”.

“Të rriturit nuk dëgjojnë gjithmonë fëmijët. Qeveria kërkon të sjell ndryshime thelbësore. Fëmijët janë qytetarët e ardhshëm të demokracisë, konsultimi i fëmijëve. Ne duhet t’i mbrojmë fëmijët tonë, të angazhohemi të gjithë për mundësi më të mira për fëmijë”.

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

lajme