Lajme

Kurti falënderon deputetin britanik për fjalimin në mbështetje të Kosovës

Autori: Gazeta inFokus 12:32 | 15 February 2023

Kryeministri Albin Kurti i ka shprehur falënderime deputetit laburist në parlamentin e Mbretërisë së Bashkuar, Alex Sobel, për fjalimin e tij në mbështetje të Kosovës që e pati ditë më parë.

Kurti ka shkruar se Britania e Madhe ka qenë gjithmonë një aleat i vendosur i Kosovës.

“Faleminderit shumë deputetit laburist Alex Sobel që foli për situatën në Kosovë në Parlamentin e Mbretërisë së Bashkuar. Britania e Madhe ka qenë gjithmonë një mbështetës dhe aleat i vendosur i vendit tonë”, ka shkruar Kurti.

-Advertisement-

Teksa Sobel veç të tjerash në fjalim kishte folur për atë se çka mund të bëjë Britania e Madhe për ta ndihmuar Kosovën. Po ashtu kishte potencuar se situata në Kosovë po përkeqësohet për shkak të pranisë malinje të Rusisë në Ballkanin Perëndimor.

“Kosova është një vend i ri, ku Britania e Madhe luajti një rol të madh në ndalimin e gjenocidit 20 vjet më parë, situata po përkeqësohet sërish me praninë malinje të Rusisë duke nxitur tensionet në rajon”, kishte shkruar Sobel.

 

 

 

Subscribe në YouTube: GAZETA INFOKUSI
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

lajme