Lajme

Kurti e lëshon seancën e Kuvendit, deputetët shkojnë në pauzë derisa ai të kthehet

Autori: Gazeta inFokus 16:01 | 13 February 2023

Deputetët e Kuvendit të Kosovës kanë shkuar në pauzë për një orë, pasi kryeministri Albin Kurti e la seancën ku po diskutohej për dialogun me Serbinë.

Shefi i grupit parlamentar të PDK-së, Abelard Tahiri parashtroi propozimin për pauzë me kushtin që do të kthehet Kurti.

“Ne si grup parlamentar i Partisë Demokratike propozojmë që të shkojmë në pauzë, me kushtin që do të na kthehet edhe kryeministri mbrapa që të diskutojmë me të, sepse kjo është seanca e parë që ne si parti opozitare e ftojmë kryeministrin”, tha ai.

-Advertisement-

Nënkryetarja e Kuvendit, Saranda Bogujevci tha se ka shumë deputetë të paraqitur për diskutim.

“E kemi pjesën tjetër të qeverisë këtu, edhe pse nuk është kryeministri”, tha ajo.

Por Bogujevci u desh të pajtohej pasi që partitë tjera opozitare iu bashkuan PDK-së në kërkesën për pauzë.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme