Lajme

Kurti e konfirmon: Komisioni Evropian dje ka prezantuar para PE-së listën e masave kundër Kosovës

Autori: Gazeta inFokus 11:01 | 29 June 2023

Kryeministri i Republikës së Kosovës, Albin Kurti në mbledhjen e Qeverisë ka konfirmuar se Komisioni Evropian gjatë ditës së djeshme ka prezantuar para Parlamentit Evropian një listë të masave kundër Kosovës.

Ai ka thënë e BE-ja aleatin dhe partnerin më të sinqertë dhe më të qëndrueshëm në rajon e ka Kosovën duke u bazuar në vlerat e saja evropiane, parimeve demokratike dhe interesave afatgjate.

“Komisioni Evropian dje ka prezantuar para Parlamentit Evropian një listë të masave kundër Kosovës. Bashkimi Evropian te Kosova e gjen aleatin partnerin dhe aleatin e saj më të sinqertë dhe të qëndrueshëm në rajon sipas vlerave evropiane, parimeve demokratike dhe interesave afatgjate. Kosova të tillë e ka qeverinë, të tillë popullin”, ka thënë Kurti.

-Advertisement-

Ai ka thënë se në disa raste kanë qenë kritik ndaj BE-së por asnjëherë cinik apo të hidhëruar.

“Në raste kemi qenë kritik ndaj BE-së por asnjëherë cinik as të hidhëruar”, ka thënë Kurti.

Ai ka thënë se aplikimin për anëtarësim në BE në dhjetor të vitet të kaluar e kanë bërë duke besuar se Kosova meriton të jetë pjesë e këtij unioni.

“Kur në dhjetor të vitit të kaluar dorëzuam aplikimin tonë për anëtarësim atë e bëmë duke besuar, që meritojmë që në një të ardhme të paparashikueshme të jemi pjesë e këtij unioni sepse besojmë në këtë union”, tha Kurti.

Ai ka folur edhe për raportin e fundit të hartuar nga Komisioni Evropian për Kosovë si cili raport sipas tij, e vlerëson Kosovën në dritën më pozitive, si në luftën ndaj krimit e korrupsionit, në zhvillim ekonomik ashtu edhe në vlerësim të kornizës ligjore në përputhje me të BE-së.

“Pavarësisht zhvillimeve rrethanore ne e vlerësojmë përkrahjen e ndihmën e Bashkimit Evropian përgjatë gjithë këtyre viteve dhe menxi e presim pyetësorin për anëtarësim sepse Evropa është kontinenti ynë e BE është fati ynë”, ka thënë Kurti.

Subscribe në YouTube: GAZETA INFOKUSI