Lajme

Kurti: Duam të ndërtojmë një shoqëri që ka zero tolerancë ndaj korrupsionit

Autori: Gazeta inFokus 23:41 | 23 May 2023

Kryeministri i Kosovës, Albin Kurti ka thënë se përmirësimi në 20 vendet për dy vite qeverisje në indeksin e korrupsionit të Transparency International, nuk mjafton.

Ai ka thënë se synimi është ndërtimi i një shoqërie pa korrupsion.

Këto ai i ka thënë përmes një postimi në Facebook, ku ka folur për takimin e parë ndërmjet ekzekutivit dhe shoqërisë civile për hartimin e Strategjisë Kundër Korrupsionit.

-Advertisement-

“20 vende përmirësim në dy vite qeverisje në indeksin e korrupsionit të Transparency International. Por kjo nuk mjafton. Duam të ndërtojmë një shoqëri që ka zero tolerancë ndaj korrupsionit, zero tolerancë ndaj ryshfetit dhe ndaj kontratave në këmbim të favoreve. Së bashku me ministra të kabinetit, drejtues të agjencive të shtetit tonë, organizatave të shoqërisë civile, sot mbajtëm takimin e parë për hartimin e Strategjisë Kundër Korrupsionit”, ka shkruar Kurti.

Subscribe në YouTube: GAZETA INFOKUSI