Lajme

Kurti dhe Abazoviç diskutojnë inicativën ‘Open Balkan’

Autori: Gazeta inFokus 10:26 | 03 December 2021

Tre vendet që nuk e kanë mbështetur Ballkanin e Hapur diskutuan rreth nismës në një konferencë online.

Diskutimi se a është Open Balkan një devijim i integrimit në Bashkimit Evropian apo një nismë që përshpejton përfshirjen e vendeve të Ballkanit Perëndimor në familjen e madhe të BE-së, mblodhi kryeministrin e Kosovës Albin Kurtin, zëvendëskryeministrin e Malit të Zi Dritan Abazoviç dhe diplomatin Zef Mazin.

“Çdo iniciativë duhet t’i përshtatet agjendës së Evropës, të operojë me rregullat e Evropës, dhe të na sjellin më pranë anëtarësimit të Evropës. Në mbajmë procesin e Berlinit si të vetmen kornizë në të cilën ka shumë iniciativa. Kemi mbështetur procesin e Berlinit do të vazhdojmë të mbështesim procesin e Berlinit ku të gjitha vendet janë njësoj të barabarta”, tha Kurti.

-Advertisement-

Por zëvendëskryeministri Dritan Abazoviç, nuk e shikon Open Balkan si një nismë që pengon integrimin në BE.

“Synimi i Malit të Zi është t’i bashkohet BE-së, ne nuk po kërkojmë diçka që i ngjan BE-së, çdo gjë që ngjan si zëvendësim i saj është i rrezikshëm për vendin. Por gjithsesi nuk e shoh Open Balkan si një mënyrë që mund të shkatërroje këtë synim. Po e shoh në një mënyrë tjetër që mund të ndihmojë në integrimin evropian. Sepse kemi nevoje të rrisim besimin, te kemi më shumë sukses, dhe që nuk kanë shumë barriera”, tha Abazoviç.

Subscribe në YouTube: GAZETA INFOKUSI