Lajme

Kurti: Beogradi e lypë Asociacionin si kompensim për humbjen e luftës, serbët lokal s’e kërkojnë

Autori: Gazeta inFokus 16:24 | 15 November 2022

Kryeministri i Kosovës, Albin Kurti në një intervistë për agjencinë austriake të lajmeve ka folur për çështjen e Asociacionit të Komunave me Shumicë Serbe. Kurti ka thënë për APA se s’do të krijohet një organizim i tillë komunash, raporton Gazeta Express

“Unë kam ardhur në pushtet vitin e fundit, kanë qenë paraardhësit e mi që e kanë nënshkruar atë marrëveshje me njerëzit e njëjtë që janë sot në pushtet në Serbi, pse nuk e kanë implementuar atëherë?”, ka thënë Kurti.

Ai tutje ka përmendur edhe vendimin e Gjykatës Kushtetuese pë të cilin thotë se e ka konstatuar si kundërkushtetuese marrëveshjen e arritur nën ndërmjetësimin e BE-së.

-Advertisement-

“Kushtetuta jonë nuk është në pajtim me Asociacion etnik”, ka thënë Kurti duke shtuar se fryma e Kushtetutës së Kosovës është multi-etniciteti i shtetit.

Kreu i Qeverisë së Kosovës madje ka thënë se Asociacioni s’është kërkesë e serbëve që jetojnë në veri të Kosovës por atë e kërkon vetëm Beogradi si përpjekje për të kompensuar humbjen e luftës nën drejtimin e Sllobodan Millosheviqit.

“Kërkesa për një autonomit të hapësirave më shumicë serbe në veri të Kosovës s’vjen madje as nga popullata lokale. Vetëm Beogradi dëshiron formimin që të kompensoj humbjen e luftës nën Millosheviqin, por nuk realizohet”, ka potencuar ndër të tjera kryeministri Kurti.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme