Lajme

Kurti: Anëtarësimi i Kosovës në BE dhe NATO s’ka të bëjë asgjë me Serbinë

Autori: Gazeta inFokus 12:07 | 20 January 2023

Anëtarësimi i Kosovës në Bashkimin Evropian dhe në NATO nuk ka të bëjë asgjë me Serbinë, i tha Kryeministri i Kosovës, Albin Kurti, televizioni shtetëror zviceran “SRF”.

Pengesa e Kosovës janë vetëm pesë shtetet mosnjohëse të BE’së, supozon Kurti. “Por, ne nuk do të dorëzohemi”, tha ai.

Pyetur nga televizioni zviceran se “a nuk po i hedh benzinë zjarrit” në raport me Serbinë, Kuri tha se po mbron “integritetin, sovranitetin dhe demokracinë”.

-Advertisement-

“Jemi shtet i ri, por popull i vjetër”, tha ai.

“Nuk e japim funksionalitetin e shtetit dhe integritetin territorial, integritetin e kufijve tonë”, u shpreh Kurti, teksa konstatoi se “Serbia nuk është vend demokratik”.

Kryeministri u shpreh se “nuk besoj se mund të bëjmë kompromis me pavarësinë dhe lirinë”, derisa vazhdoi të vlerësojë se Serbia duhet të distancohet nga regjimi i Slobodan Milosheviqit.

“Dhe, qeveria serbe duhet të distancohet nga regjimi i Putinit, me të cilin punon ngushtë”.

Ka rrezik që Seria “të bëjë diçka”, tha Kurti, duke folur për grupet mercenare Wagner, për të cilat beson se janë vërejtur kohëve të fundit në Serbi.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme