Kur pritet të ketë takim në mes Kurtit dhe Vuçiqit, tregojnë analistët
![](https://gazetainfokus.com/wp-content/uploads/2022/08/kurti-vuqiq-800x460.jpg)
Autori: Gazeta inFokus
22:22 | 30 July 2024
Pas zgjatjes së mandatit të emisarit special të BE-së në dialogun Kosovë-Serbi, Miroslav Lajçak, nga Këshilli i BE-së, u ngrit edhe pyetja nëse mund të ketë një takim në mes kryeministrit Albin Kurti dhe presidentit Aleksandar Vuçiq. Sipas njohësve të procesit të dialogut, kjo do të ndodhë vetëm nëse BE-ja tregon autoritetin mbi palët, por dhe se kjo varet nga kryeministri i Kosovës nëse heq dorë nga tre kushtet që ka vendosur.
Këshilli i Bashkimit Evropian ia ka zgjatur edhe zyrtarisht mandatin emisarit sllovak, Miroslav Lajçak, deri më 31 janar 2025.
E, kjo domosdoshmërisht ia zgjatë punën edhe në dialogun Kosovë-Serbi, i cili është në një bllokadë, tash e disa kohë.
Atë do mund ta zgjidhte një takim në mes kryeministrit të Kosovës Albin Kurti dhe presidentit të Serbisë, Aleksandar Vuçiq, ani pse një i tillë nuk po duket në horizont
Nëse pritet një takim i tillë në mes dy liderëve nuk janë përgjigjur nga zyra e Bashkimit Evropian.
Megjithatë si pak të mundshëm takimin mes Kurtit dhe Vuqit po e sheh analisti politik Visar Ymeri.
“Po tash sa i përket takimeve nuk mund të e përjashtoj tërësisht se edhe mund të ketë, edhe pse nuk më duket ndonjë arsye pse me pas. Kjo për shkak se shihet që nuk ka kurrëfarë progresi dhe asnjë vullnet me ec përpara në zbatimin e marrëveshjeve”, ka thënë Ymeri, për RTV Dukagjini.
Ymeri në këtë aspekt kërkon një dorë të “hekurt” nga BE, duke kërkuar progres në këtë drejtim.
“Bashkimi Evropian është dashtë me fillu me përdor shkopin, përveçse karotën, karotën e premtuar gjithnjë, që ky proces i dialogut t’i japë rezultatet e veta”, ka thënë Ymeri.Ndërkaq, analisti politik Afrim Kasolli thotë se mbajtja e një takimi varet më shumë nga kryeministri i Kosovës, Albin Kurti.
“Duhet ta kemi të qartë se aktorët kryesorë ndërkombëtarë janë të kënaqur me punën e z.Lajçak. A do mund të organizohet një takim i tillë varet nga vullneti i kryeministrit se sa do t’i sakrifikoje disa nga kushtet që i ka vendosur në takimin e fundit”, ka thënë Kasolli.
Përveç dorëzimit të Radoiçiqit, Kurti ka kërkuar që Serbia të tërhiqet nga letra që kishte dërguar në bllokun evropian ish-kryeministrja Ana Brnabiq, përmes së cilës Beogradi shprehu rezerva për Marrëveshjen në rrugën drejt normalizimit të raporteve.
Kurti ka kërkuar që kjo marrëveshje, e arritur vitin e kaluar të nënshkruhet. /Dukagjini
![](https://gazetainfokus.com/wp-content/uploads/2024/08/Portal-Lajm.png)
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...