Kur lindi shteti
Autori: Gazeta inFokus 20:24 | 17 February 2021
Nga Teuta Krasniqi
Viti 2008, për Kosovën dhe Shqipërinë, për shqiptarët në përgjithësi, konsiderohet historik dhe i jashtëzakonshëm, ngase ky vit shënon dy arritje të mëdha për kombin. Shënon pra, pavarësimin edhe de jure të Kosovës nga Serbia dhe po ashtu shënon anëtarësimin e Shqipërisë në NATO, Alencën më të madhe ushtarake-politike në botë.
Këto dy ngjarje të rëndësishme mundësuan edhe krijimin e një realiteti të ri politik e gjeostrategjik në Ballkan. Pra, çuan më tej synimin historik të shqiptarëve për të qenë të barabartë me popujt e tjerë në rajon, duke rritur peshën politike, ekonomike e ushtarake të tyre.
Më 17 shkurt 2008, siç do të thoshte Arbën Xhaferi, ‘nuk ndodhi vetëm akti i ngadhënjimit të së drejtës së një populli për liri dhe mëvetësi, por edhe dështimi i një projekti konkurrues global, kryesisht atij rus, që imponohej si alternativë e atij, kushtimisht të themi perëndimor, ndaj projektit të shoqërisë së hapur, demokratike, ku respektohet liritë dhe të drejtat e njeriut’.
Por, ngadhënjimit të të drejtës së shqiptarëve të Kosovës për liri e pavarësi, i parapriu një shekull përpjekje e sakrifica, por edhe një shekull dhunë, terror e gjenocid i Serbisë mbi ta.
Shtetet lindin në bazë të vullneteve politike të popujve brenda një territori të caktuar gjeografik. Vullneti dhe projekti i shqiptarëve të Kosovës për pavarësi u formësua në bazë të realiteteve të reja që krijoi i shembja e komunizmit në botë, pas agresionit kushtetues dhe ushtarako-policor të Serbisë në Kosovë, si dhe pasi realizimi i idealit historik për bashkimin e Kosovës me Shqipërinë në ato rrethana ishte i pamundshëm.
Pra, kërkesa për pavarësi të Kosovës lindi natyrshëm në një kontekst të caktuar historik dhe jetësimi i saj u bë i mundur tek pas luftës së armatosur çlirimtare dhe intervenimit të Perëndimit.
17 shkurti i vitit 2008 i dha gjeografisë së Evropës dhe asaj të botës një pamje të re, ndërsa shqiptarëve u plotësoi një të drejtë të mohuar në dekada. Por jo vetëm kaq. Pavarësimi i Kosovës i dha një shtysë të re procesit të bashkëpunimit rajonal dhe euro-integrues të Ballkanit dhe gjithashtu, zhvillimit më të madh ekonomik të vendeve të Ballkanit.
Nga pavarësia e Kosovës pra, fituan edhe fqinjtë e saj, sidomos Serbia. Pavarësisht që ajo edhe sot e kësaj dite vazhdon të ndërhyjë në funksionalitetin e brendshëm të shtetit të Kosovës dhe të pengojë afirmimin ndërkombëtar të saj, me pavarësimin e Kosovës Serbisë i është dhënë mundësia të lirohet nga ngarkesa e trashëgimisë së rrejshme historike, të ngulituar në memorien kolektive të popullit serb nga qarqe shtetërore, akademike e kishtare.
Në këto 13 vjet të shtetësisë së saj, Kosova ka shënuar arritje të mëdha në shumë sfera, po aq sa ka edhe sfida para vetes.
Të tjera
-
Makina e parë fluturuese bën udhëtimin e parë në Sllovaki!
Legjenda e muzikës Jean-Michel Jarre bëhet pasagjeri i parë në makinën flutur...
-
34 vjet nga vdekja e veprimtarit Fadil Vata
Sot mbushen 34 vjet nga vdekja e veprimtarit të çështjes kombëtare Fadil Vata...
-
Siguroi fshehtas raketa balistike me rreze të gjatë veprimi nga SHBA, Ukraina i përdor për herë të parë! Godet Rusinë
Ukraina ka filluar të përdor për herë të parë raketa balistike me rreze të gj...
-
Siljanovska e Pendarovski në balotazh për president, Osmani del i treti
Në Maqedoninë e Veriut, qytetarët votuan të mërkurën për të zgjedhur presiden...
-
Mot sot i vranët dhe vende-vende me riga të dobëta shiu
Instituti Hidrometeorologjik i Kosovës ka njoftuar se sot mban mot i vranët d...
-
Në Hagë vazhdon gjykimi ndaj ish-krerëve të UÇK-së
Në Dhomat e Specializuara të Kosovës (DHSK) në Hagë, sot vazhdon gjykimi i Th...
-
Sot në Bruksel zhvillohen takimet e radhës në kuadër të dialogut
Kryenegociatorët e Kosovës dhe Serbisë, Besnik Bislimi dhe Petar Petkoviq pri...
-
Mblidhet Kuvendi, në rend dite marrëveshja për tunelin Tetovë-Prizren
Sot do të mbahet seanca plenare e Kuvendit të Kosovës, ku në mesin e pikave t...
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
​Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...