Lajme

“Kur do të shpëtojmë nga kjo luftë me njëri-tjetrin”, Muharremi thotë se politika nuk na duhet më fare

Autori: Gazeta inFokus 13:22 | 14 Gusht 2023

Njohësi i integrimeve evropiane, Shenoll Muharremi, ka bërë një krahasim të luftës dhe politikës, shkruan Gazeta Infokus.

Ai përmes një postimi në “Facebook”, ka thënë se “ne kemi luftën me njëri tjetrin si “përparësi” krahasuese. Jo vetëm parti kundër partie, por media kurndër mediave. Pozitë kundër opozite, e opozitë kundër pozite. Shtet kundër shteti. Etni kundër një etnie tjetër. Komb kundër kombi”.

Sipas tij, në vendin tonë duhet të vrasim dhe të shkatërrojmë politikën si fenomen dhe si koncept, pasi politika është keqkuptuar në rajonin tonë.

-Advertisement-

“Ndoshta duhet ta vrasim dhe shkatërrojmë politikën si fenomen dhe koncept. Ajo është keqkuptuar në këtë rajon. Nuk është politika për këtë mendësi. Ligjet po. Ndoshta duhet të inventohet një sistem i veçant i organizimit social për këtë rajon. Pse jo. Me qeveri e gjykata që nuk kanë asgjë të bëjnë me politikën. Ndoshta teknologjia është përgjigja, por mos po e korruptojmë ne edhe algoritmin. Ndoshta edhe dominimi duhet të bëhet nga ndërmarrësit dhe inovatorët e politika nuk na duhet më fare. Diçka duhet ndryshuar drastikisht në këtë rajon, por mesiguri nuk do të ndryshoj shpejt e lehtë”, ka shkruar Muharremi./Gazeta Infokus/

Më poshtë gjeni postimin e tij të plotë: