Lajme

Kur do të nisë furnizimi me ngrohje këtë vit

Autori: Gazeta inFokus 11:33 | 06 Tetor 2021

Termokosi do të fillojë me ngrohje në kryeqytet nga data 15 tetor, sikurse çdo vit tjetër.

Zëdhënësja e Termokosit, Aferdita Uka-Fejzullahu ka thënë se tanimë janë në finalizim të të gjitha përgatitjeve të nevojshme për fillimin e furnizimit me ngrohje.

Sipas saj deri më tani, kanë përfunduar një varg përgatitjesh, që kanë të bëjnë me ndërhyrje të ndryshme në rrjetin primar të ngrohjes, kudo ku për shkak të gypave të stërvjetëruar të ngrohjes janë evidentuar probleme.

-Advertisement-

“Janë kryer intervenime nëpër nënstacionet e ngrohjes, ka përfunduar pastrimi i këmbyesve të nxehtësisë, si dhe intervenime tjera nëpër pajisjet e ngrohjes, të gjitha këto në funksion të një përgatitje sa më të mirë dhe një sezoni sa më të mbarë ngrohës”, ka thënë Uka për Buletinin Ekonomik.

Sipas saj, mbetet ende problematike arritja e ngrohjes të të gjithë konsumatorët njësoj, pasi te objektet e vjetra banesore ka ende probleme si pasojë e rrjetit të stërvjetëruar të ngrohjes.

“Që nga realizimi i Projektit të kogjenerimit, si rezultat i ngrohjes së mjaftueshme dhe cilësore që u kemi ofruar rreth 15 mijë konsumatorërve tanë, janë eliminuar dukshëm ankesat për furnizim me ngrohje”.

Inkasimi i borxheve në Termokos është rritur për 30 për qind, edhe pse që nga paslufta e deri më tani, borxhet e konsumatorëve kapin vlerën e rreth 18 milion eurove.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy