Lajme

Kur do të ndalen reshjet e shiut? Parashikimi i motit për 5 ditët e ardhshme

Autori: Gazeta inFokus 20:48 | 07 August 2020

Moti në fundjavë kryesisht me vranësira, kohë pas kohe me shi, e pasdite me bubullima. Javën e ardhshme mot i ndryshueshëm, mundësi edhe për rrebeshe shiu.

Edhe gjatë fundjavës mbetet mot jostabil, kryesisht me vranësira, kohë pas kohe me shi. Orëve të pasdites me mundësi për rrebeshe shiu dhe bubullima. Ditën e shtunë ka gjasa që vende-vende reshjet të jenë më intensive, të shoqëruara me breshër nëpër lokalitete të kufizuara, bën të ditur Prishtina Weather.

Shërbimi i meteorologjisë njofton se ditëve të para të javës së ardhshme parashihet të mbajë mot i ndryshueshëm, me më shumë intervale me diell dhe më ngrohtë. Orëve të pasdites mbetet mundësia për zhvillime të rrebesheve të shiut.

-Advertisement-

Parashikimi për periudhën 8-12 gusht:

8.08 – Herët në mëngjes reshje lokale shiu. Ditën kryesisht me vranësira. Pasdite dhe në mbrëmje rrebeshe shiu me bubullima. Vende-vende reshjet mund të jenë më intensive, me mundësi edhe për breshër.

9.08 – Në mëngjes intervale me diell, në vise të ulëta mundësi për mjegull. Ditën kryesisht me vranësira. Pasdite dhe në mbrëmje priten rrebeshe shiu me bubullima.

10.08 – Pjesërisht me diell. Në mëngjes mundësi për mjegull në vise të ulëta. Pasdite mund të priten zhvillime të rrebesheve të shiut me bubullima.

11.08 – Më shumë diell dhe më ngrohtë. Pasdite mundësi për reshje lokale shiu me bubullimë.

12.08 – Pjesërisht vranët me më shumë diell. Pasdite priten rrebeshe shiu me bubullima.

Temperaturat e ajrit do të luhaten brenda vlerave mesatare për këtë periudhë kohore. Minimalet nga 15C deri në 17C, ndërsa maksimalet 25C deri në 29C.

Era do të fryjë e lehtë dhe mesatare nga verilindja 4-10m/s.

Shtypja atmosferike do të lëvizë përreth vlerave normale.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera