Lajme

Kur do të dalin 100 eurot për fëmijët dhe pensionistët? Flet zëvendësministri i Financave

Autori: Gazeta inFokus 13:30 | 22 December 2023

Qeveria e Kosovës të enjten në mbrëmje ka miratuar ndarjen e gati 69 milionë eurove për zbatimin e vendimit të javës së shkuar, për t’ua ndarë nga 100 euro shtesë për fundvit fëmijëve dhe pensionistëve.

Ani pse vendimi u mor, ende nuk dihet se kur do të dalin ato mjete në llogarinë e përfituesve.

Pikërisht për këtë, Front Online ka kontaktuar zëvendësministrin e Financave, Avni Zogiani, mirëpo ai tha shkurtimisht që ende s’ka filluar ekzekutimi i tyre.

-Advertisement-

“Ende jo, buxhetin e kemi ndarë dje”, u shpreh ai shkurtimisht për Front Online.

Vendimi ishte propozuar në mbledhjen e 178-të të Qeverisë, me propozim të Ministrisë së Financave, Punës dhe Transfereve.

Poashtu, kjo ministri para disa dite ka thënë se secila familje që është përfituese e asistencës sociale do të ketë edhe mbështetje shtesë të menjëhershme për blerjen e lëndës djegëse për ngrohje gjatë dimrit, përkatësisht blerjen e druve të zjarrit.

Subscribe në YouTube: GAZETA INFOKUSI