Lajme

Kupina i reagon deputetit Behrami: Shpifje, Presidentja nuk cakton e as nuk vazhdon mandat të Speciales, mandatin EULEX’it e vazhdoi BE

Autori: Gazeta inFokus 13:50 | 09 June 2025

Deputeti i PDK-së, Artan Behrami, ka akuzuar Presidenten e Kosovës, Vjosa Osmani, se përmes një shkëmbimi letrash me Bashkimin Evropian ka vazhduar mandatin e EULEX-it dhe rrjedhimisht edhe të Gjykatës Speciale.

Por një reagim i shpejtë ka ardhur nga zyra e Presidencës, përmes këshilltarit për media, Bekim Kupina, i cili i hodhi poshtë akuzat si të pavërteta dhe të pabazuara, shkruan Gazeta Infokus.

“Deputeti Artan Behrami është mirë të mos shpif,” u shpreh Kupina. “Presidentja as nuk cakton e as nuk vazhdon mandat të Gjykatës Speciale. Mandati i kësaj gjykate është i përcaktuar me amendament kushtetues të miratuar nga dy të tretat e Kuvendit të Kosovës dhe nuk mund të ndryshohet, ndërpritet apo të vazhdohet nga presidenca.”

-Advertisement-

Kupina shtoi se presidentja Osmani ende nuk ka nënshkruar asnjë dokument që lidhet me vazhdimin e mandatit të EULEX-it, ndonëse ka kompetencë ta bëjë këtë – njësoj siç ndodhte edhe gjatë mandatit të ish-presidentit Hashim Thaçi, i cili kishte nënshkruar zgjatje teknike për qëllime të mentorimit, monitorimit dhe këshillimit.

Sipas presidencës, vazhdimi i mandatit të EULEX-it është përcaktuar nga një vendim i Këshillit të BE-së, i miratuar më 5 qershor 2025 – një vendim që është publik dhe në përputhje me praktikat e mëparshme.

Ky zhvillim vjen në një kohë tensionesh të shtuara politike, ndërsa përplasjet për kompetencat institucionale dhe interpretimin e tyre vazhdojnë të jenë pjesë e diskursit publik në Kosovë.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme