Lajme

Kundërofensiva ukrainase, Zelensky: Këtu nuk ka vend për pushtuesit

Autori: Gazeta inFokus 19:09 | 11 September 2022

Janë publikuar pamjet e para të ushtrisë ukrainase që hyjnë në Iziumin e liruar në provincën e Kharkivit pas zmbrapsjes së forcave ruse.

Kjo ishte humbja më e madhe e ushtrisë ruse deri më tani që kur forcat e Putin u detyruan të largoheshin nga Kievi.

Që nga fillimi i kundërofensivës të nisur në këtë fillim muajt, ushtria ukrainase ka liruar rreth 2 mijë kilometra katror sipërfaqe të pushtuar.

-Advertisement-

“Avancimi ushtarëve tanë vijon në disa drejtime. Ushtria ruse këto ditë ka treguar aftësitë e saj për t’u larguar dhe në fund kjo nuk është një zgjidhje e keqe për ta. Nuk ka vend për pushtuesit në Ukrainë dhe kurrë nuk do të ketë”, tha Zelensky.

Pas largimit nga Izium, forcat ruse lanë pas municione. Ushtria ruse e përdorte Izium si një bazë logjistike. Ndërkohë me anë të një videoje ministria e mbrojtjes ruse deklaroi se ishte duke tërhequr trupat nga Izium dhe Balaklia me qëllimin rigrupimin e tyre.

“Për të arritur qëllimet e operacionit ushtarak special dhe për të liruar Donbasin u vendos që forcat e dislokuara në rajonet e Izium dhe Balaklia të rigrupohen”, tha zëdhënësi i ministrisë së Mbrojtjes Ruse.

Përmes një video të shpërndarë nga forcat ukrainase shikohen ushtarët që ngrinë flamurin në qendër të qytetit të Balaklia duke premtuar se kundërofensiva do të vijojë.

Subscribe në YouTube: GAZETA INFOKUSI
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Të tjera

Fokusi

lajme