Lajme

Kufiri i Malit të Zi me probleme teknike – Të gjithë kosovarët i paraqet si të kërkuar nga Interpoli

Autori: Gazeta inFokus 23:04 | 19 January 2024

Të premten e 19 janarit, dhjetëra qytetarë të Kosovës, kanë pritur për orë të tëra në pikëkalimin kufitar mes Malit të Zi dhe Shqipërisë në Bozhaj, kjo për shkak se sistemi i Interpolit i ka paraqitur të gjithë kosovarët si të kërkuar prej Interpolit.

Arsyeja e këtij problemi ka rezultuar të jetë softueri i cili u rregulluar pas tri orëve.

Policia e Malit të Zi, ka konfirmuar se sistemi është rregulluar në mbrëmje, siç raporton mediumi “Vijesti”.

-Advertisement-

Sipas njoftimit, autoritetet e Malit të Zi kanë lëshuar të paktën tetë shtetas të Kosovës për të vazhduar rrugën drejt Prishtinës.

Bëhej fjalë për një grup që ishte pjesë e një projekti mediatik.

Sipas raportimit, edhe policët e kishin të qartë se ka problem me sistemin e Interpolit, por që raste të tilla sipas tyre janë të rralla.

“Kjo ndodh rrallëherë”, ka thënë policia e Malit të Zi.

Ndërsa, ndalimi i qytetarëve të Kosovës është bërë për shkak të domosdoshmërisë së kontrollit.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu

Të tjera

Fokusi

lajme