Lajme

Ku shkuan 10 mijë eurot për qentë endacakë të Gjilanit?

Autori: Gazeta inFokus 11:54 | 02 December 2019

Fondacioni për të Drejtat e Kafshëve ka bërë të ditur që ka kërkuar nga Komuna e Gjilanit qasje në dokumente publike përkatësisht të dinë se ku shkuan paratë për qentë endacakë.

Mirëpo kjo komunë sipas Fondacionit tash e sa javë nuk është përgjigjur në kërkesën e tyre, shkruan gazeta inFokus.

Madje ky Fondacion Për të Drejtat e Kafshëve lajmëron që nëse nuk marin një përgjgje nga Komuna e Gjilanit do të vazhdojnë hapat e rradhës në organet e Drejtësisë.

-Advertisement-

“Cilët qen janë trajtuar me 10.000 euro të tatimpaguesëve të Kosovës? AgroGroup Fauna dhe Komuna e Gjilanit nuk përgjigjen qysh e sa javë tanimë. Ne kemi nisur këtë shkresë zyrtare dhe nëse nuk marrim informata do të pasojnë hapat e radhës pranë organeve të drejtësisë”, shkruan Fondacioni për të Drejtat e Kafshëve.

E sipas tyre institucionet duhet të kuptojnë që çdo cent i fondit publik duhet raportuar me transparencë.

“Institucionet dhe veterinerët duhet të kuptojnë që ÇDO QEN ka rëndësinë e vet dhe çdo cent i fondit publik duhet raportuar me transparencë”, shkruan Fondacioni për të Drejtat e Kafshëve./Gazeta inFokus/

Subscribe në YouTube: GAZETA INFOKUSI

Të tjera

Fokusi

lajme