Ku shkon në shkollë vajza e Kryeministrit Kurti
Autori: Gazeta inFokus 17:35 | 12 September 2022
Nxënësit e Kosovës po privohen nga mësimi për shkak se Kryeministri Kurti s’po merret vesh me përfaqësuesit e sindikatave të arsimit. Nuk dihet nëse nga mësimi privohet edhe fëmija i vetëm i Kryeministrit. Zyra e Kurtit nuk tregon se a i vijon ajo mësimet në Kosovë.
Fëmijët kosovarë po hyjnë në javën e dytë prej kur është dashur të nisnin vitin e ri shkollor, po kjo s’po ndodh, për shkak të mosmarrëveshjeve të Qeverisë me sindikatat që kanë nisur grevë.
Nuk dihet nëse në mesin e fëmijëve që po e humbasin mësimin është edhe vajza e Kryeministrit Albin Kurti, e cila është 8 vjeçe.
Gazeta Express ka pyetur para një jave zyrën e Kurtit se ku shkollohet vajza e Kryeministrit dhe, nëse shkollohet në Kosovë, a vijon mësimet në një institucion publik apo privat. ZKM-ja nuk ka kthyer përgjigje.
Është e paqartë nëse edhe vajza e Kryeministrit po e pëson si moshatarët e saj për shkak të mosmarrëveshjeve Qeveri-SBASHK. Nuk dihet nëse ajo shkollohet në Norvegji, ku nëna e saj, pra bashkëshortja e Kryeministrit Kurti, znj. Rita Augestad Knudsen, punon.
Znj. Augestad Knudsen dhe Kryeministri Kurti u bënë prindër të një vajze në vitin 2014.
Kurtit i ka rënë rrallë herë të flasë publikisht rreth vajzës së tij. Në një intervistë të tijën më personale në vitin 2019 pat folur rreth komunikimit me vajzën e tij, pasi brenda shtëpisë u bie të flasin më shumë gjuhë.
“Vajzës i flas shqip. Por ajo e di edhe gjuhën norvegjeze. Në fillim kemi pasur probleme, pasi që me gruan komunikojë në gjuhën angleze dhe kjo ka bërë që hutohet vajza ime. Ajo e di shqip më mirë se sa unë gjuhën norvegjeze”, thoshte Kurti në vitin 2019.
Vajzën e Kryeministrit e kemi parë me prindërit e saj në ditën e zgjedhjeve, pasi po shoqëronte babanë te kutitë e votimit.
Kryeministri Kurti ka publikuar një album fotografish me vajzën dhe gruan, gjatë një shfaqjeje në teatrin “Dodona” në Prishtinë.
“Si prind e di rëndësinë e teatrit, prandaj nuk do e lëmë në harresë. Nuk ka emancipim pa teatër”, kishte shkruar Kryeministri Kurti mbi fotografitë e publikuara në vitin 2020.
Ndryshe, edhe pas dy javës, Qeveria dhe Sindikatat e Arsimit kanë dështuar të arrin marrëveshje, që do të rezultonte me ndalje të grevës.
Pushtetarët akuzojnë SBASHK-un për grevë të “paarsyeshme”, ndërsa sindikatat kërkojnë me ngulm plotësimin e kërkesave të tyre nga Qeveria.
Të tjera
-
Osmani takohet me Zelenskyn në Zvicër: Jemi për të dhënë mbështetje për lirinë e Ukrainës
Presidentja e Kosovës, Vjosa Osmani është takuar sot me presidenten zvicerane...
-
Re lu*fte i afrohen Suedisë? Avioni ushtarak rus shkel hapësirën ajrore
Frika për një shtrirje të luftës së Ukrainës në Europë u ripërtëri me inciden...
-
Bankat thyejnë rekord/ 58 milionë € fitim të pastër për 4 muaj
Bankat komerciale në Kosovë sivjet kanë thyer rekord me fitimet e realizuara,...
-
Mbi dy milionë pelegrinë në Mekë për të kryer haxhin
Më shumë se dy milionë pelegrinë të huaj kanë mbërritur në qytetin e shenjtë ...
-
Shënohet 81-vjetori i lindjes së Ukshin Hotit, Kurti: Detyra e tij ishte t’ia thotë të vërtetën popullit
Me rastin e shënimit të ditëlindjes së 81-të të profesorit dhe mendimtarit po...
-
Beogradi s’do të ofrojë hapësirë për festivalin “Mirëdita, dobar dan”, thotë kryetari i komunës
Ushtruesi i detyrës së kryetarit të komunës së Beogradit, Aleksandar Shapiq, ...
-
Osmani takon homologen malteze: Malta është një vend vërtet mik i Kosovës
Presidentja Vjosa Osmani po vazhdon vizitën zyrtare në Zvicër. Në marxhina të...
-
Përurohet Shtegut i Lirisë “Pashtriku”, në Has-Pashtrik
Në kuadër të aktiviteteve shtetërore në shënim të 25-vjetorit të çlirimit të ...
-
Shitjet e makinave në Kinë u rritën me 8.3 për qind në janar-maj
Shitjet e automjeteve në Kinë u rritën me 8.3 për qind në baza vjetore në afr...
-
Kurti ndahet baras në shah me mjeshtrin i cili e mposhti Kasparovin
Kryeministri i vendit, Albin Kurti, ka marrë pjesë në Kampionatin Ballkanit t...
-
Varroset me nderime ushtarake nënoficeri i FSK-së që vdiq në vendin e punës
Këtë të shtune është varrosur me nderime ushtarake nënoficeri Muhamet Beqiri,...
-
Rreshterja kosovare diplomon në Akademinë e Nënoficerëve në ShBA
Rreshter master, Shpresa Gashi ka diplomuar me sukses në Akademinë Ushtarake ...