Kthehen në punë policët e akuzuar për keqtrajtim të qytetarërve
Autori: Gazeta inFokus 19:54 | 22 February 2020
Duke vozitur rrugëve të Shtimes, Diamant Hetemi kishte hasur një pjesëtar të policisë, takimi me të cilin, gati tre muaj më parë, i kishte nxjerrë mjaft telashe.
Hetemi dhe Arben Ademi ishin rrahur brutalisht në hapësirat e stacionit të Policisë të kësaj komune, për çka tani polici në fjalë dhe dy kolegë të tij, po gjykohen për veprat penale “Keqtrajtim gjatë kryerjes së detyrës zyrtare” dhe “Lëndim i rëndë trupor”.
Nga ky incident i 6 tetorit 2019, Arben Ademi kishte përfunduar me nofull të thyer dhe në gojë, pas dy operacioneve, i janë vendosur pllakëza metalike, për të cilat i nevojitet një intervenim i tretë, derisa po përballet me vështirësitë në mbulimin e shpenzimeve, raporton KTV.
Kthimi i të tre policëve nga punë ka sjellë frikë te Hetemi e Ademi, që, me fjalët e tyre, situatën e përshkruajnë ‘sikur shteti po i shtyn drejt telasheve të tjera’ në vend se t’u ofrojë siguri.
Gjykimi ndaj tre policëve, pas ngritjes së aktakuzës, është duke u zhvilluar në Gjykatën Themelore të Gjilanit.
Inspektorati Policor i Kosovës ka thënë se me t’i kryer hetimet dhe dorëzimin e kallëzimit penal, kishin përfunduar edhe arsyet për të cilat ishte rekomanduar suspendimi.
E, në Drejtorinë Rajonale të Policisë në Ferizaj, nën ombrellën e të cilës është edhe stacioni i Shtimes, vetëm kanë mundur të konfirmojnë rekomandimin për kthimin e tyre në punë.
IPK-ja, në përgjigjen që ka dhënë, ka theksuar se rastin e ka përcjellë edhe në Drejtorinë e Hetimeve të Brendshme të Policisë për hetim disiplinor.
Kjo e fundit, sipas një përgjigje për televizionin, pas analizimit të rastit, kishte vlerësuar se ndërprerja e suspendimit, nuk paraqet problem në aspektin e hetimit disiplinor pasi që: rasti ishte pezulluar, pritej një vendim i gjykatës dhe hetimet disiplinore, mund të zhvilloheshin pavarësisht ndërprerjes së suspendimit.
Kritik ndaj vendimit të IPK-së është edhe Plator Avdiu, hulumtues në Qendrën Kosovare për Studime të Sigurisë, sipas të cilit duhet pritur fundi i procesit gjyqësor.
Avdiu nuk heq fajin as nga menaxhmenti i Policisë, që toleron zyrtarë edhe më të lartë të aktivizohen pavarësisht aktakuzave ndaj tyre.
Vitin e kaluar, në Gjakovë, 6 zyrtarë policorë, përfshirë komandantin Krist Gjokaj, u kthyen nga suspendimi në vendet e tyre të punës, pavarësisht aktakuzave për një rast tjetër të dyshuar për keqtrajtim brenda stacionit policor.
Të tjera
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...
-
Sot mbahet ceremonia përmbyllëse e garës ndërkombëtare “Ushtari më i mirë 2024”
Të premten, me datë do të 26 mbahet ceremonia përmbyllëse të garës ndërkombët...
-
Osmani merr pjesë në ceremoninë e dorëzimit të pajisjes moderne SPECT/CT/PET
Të premten e datës 26 prill nën patronatin e Presidentes së Republikës së Kos...