Lajme

Kryeziu: VV duhet ta ndërrojë emrin e Haxhiut, ose vendi duhet të shkojë në zgjedhje të reja

Autori: Gazeta inFokus 12:50 | 09 Qershor 2025

Drejtori i Institutit Demokratik të Kosovës (KDI), Ismet Kryeziu, ka reaguar pas dështimit të 29-të me radhë për zgjedhjen e kryetarit të Kuvendit, duke e cilësuar situatën si ngërç të thellë institucional që kërkon reflektim dhe veprim të menjëhershëm politik.

Kryeziu tha se Lëvizja Vetëvendosje, si subjekti me numrin më të madh të ulëseve në Kuvend, duhet të ndërmarrë hapin e parë drejt zhbllokimit të situatës, shkruan Gazeta Infokus.

“VV-ja tashmë duhet të bëjë lëvizjen e përgjegjshme politike dhe të domosdoshme për të zhbllokuar ngërçin institucional – të ndryshojë kandidatin, duke propozuar një emër që mund të marrë mbështetje edhe nga partitë tjera,” u shpreh ai.

-Advertisement-

Në të kundërtën, Kryeziu sugjeroi që Vetëvendosje të ule në tavolinë me subjektet e tjera për të diskutuar një zgjidhje më të gjerë.

“Ose të ulen me subjektet tjera politike për të arritur një dakordim që vendin ta çojnë në zgjedhje të reja, duke ia kthyer legjitimitetin qytetarëve,” shtoi ai.

Deklarata e Kryeziut vjen në një kohë kur Kuvendi i Kosovës ka dështuar për herë të 29-të radhazi të konstituohet, për shkak të mungesës së shumicës për zgjedhjen e kryeparlamentarit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy