Lajme

Kryetari i Zubin Potokut publikon dëshmi se komuna që ai drejton është pjesë e Asociacionit: Nuk ka nevojë për procedura të tjera

Autori: Gazeta inFokus 16:59 | 11 Tetor 2024

Kryetari i Zubin Potokut, Izmir Zeqiri, ka reaguar lidhur me situatën e fundit rreth anëtarësimit të komunave veriore në Asociacionin e Komunave.

Zeqiri ka thënë se komuna që drejton, ka qenë pjesë e AKK-së, shkruan gazeta online Reporteri.net.

“Si Kryetar i Komunës së Zubin Potokut, dua të sqaroj opinionin se komuna jonë ka qenë e anëtarësuar në Asociacionin e Komunave të Kosovës dhe nuk ka nevojë për procedura të tjera administrative. Që nga data e pranimit, Komuna jonë i ka kryer me rregull të gjitha obligimet në raport me përgjegjësitë statutore të Asociacionit.”, ka shkruar Zeqiri.

-Advertisement-

Ai ka thënë se do të vazhdojnë të sillen konform përgjegjësive që na takojnë si Komunë.

Po ashtu, Zeqiri ka folur edhe për mungesën e tij në mbledhjen e së enjtes.

“Mungesa ime në takimin e Kryetarëve të Asociacionit të Komunave të Kosovës ka qenë e paralajmëruar më parë në organet e Asociacionit.”, ka shtuar ai.

Mbledhja e Asociacionit të Komunave të Kosovës të enjten është përcjellë me tensione në mes të disa kryetarëve të komunave.

Në një video të  publikuar kryetari i Komunës së Mitrovicës Veriore, Erden Atiq, ai i Kamenicës, Kadri Rrahimaj dhe Qemajl Aliu i Shtimes shihen në një tollovi bashkë me disa kryetarë të tjerë.

Lidhur me incidentin ka bërë reagim kreu i Kamenicës, Kadri Rrahmiaj, duke pretenduar se në Kuvend u tentua t’i mohohet e drejta e VV-së për të pasur anëtar Bordi në AKK dhe mosanëtarësimi i Komunave Veriore të Kosovës në AKK.

Rahimaj tha se tensionet nisën pasi Lëvizja Vetëvendosje kërkoi që komunat veriore të anëtarësohen në Asociacion, por kjo sipas tij, u refuzua nga udhëheqësit e tjerë të komunave.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy