Lajme

Kryetari i ri i Zubin Potokut: Zyrën e kryetarit e kam parë vetëm nga jashtë

Autori: Gazeta inFokus 18:13 | 25 May 2023

Kryetari i ri i Komunës së Zubin Potokut, Izmir Zeqiri ka folur rreth pamundësisë së tij për të ushtruar detyrën në objektin e Komunës.

Zeqiri tha se qeveria ka hapa të matura sa i përket kësaj situate, meqë nuk duhet të irritohet popullata vendase.

“Nuk do ta shihja ashtu situatën. Ajo qëndron pak më ndryshe. Qeveria ka hapa të matur me këto sene. Mos me shku me hapa me një formë ku mund të irritohen një pjesë e popullatës. Besoj që ma mirë janë këta hapa”, ka thënë Zeqiri në T7.

-Advertisement-

Ndërkaq i pyetur për zyrën e e kryetarit, Zeqiri ka thënë se ka parë vetëm nga jashtë dhe s’ka pasur rast që të futet brenda.

“Thënë të drejtën jam punëtor i kësaj komune kaherë. E kam parë prej së jashti. Nuk kam qenë edhe në zyrën e kryetarit brenda. Mirëpo përafërsisht e di ku ka qenë”, ka shtuar tutje ai.

Sot, e enjte janë betuar edhe tre kryetarët e komunave të tjera veriore, Zubin Potok, Zveçan dhe Leposaviq.

Subscribe në YouTube: GAZETA INFOKUSI