Lajme

Kryetari i FFK-së, përsëri nuk po e përfill ligjin

Autori: Mirlinda Bajraktari 18:12 | 26 September 2018

Kryetari i Federatës së Futbollit  së Kosovës, Agim Ademi nuk i ka punët mirë me ligjin.

Kjo pasi që Ademi edhe kësaj here nuk e ka përfillur urdhërinë e dhënë një muaj më parë nga institucionet e vendit.

Një ndër 48 objektet që Ministria e Mjedisit dhe Planifikimit Hapësiror ka dhënë urdhër të rrëzohen afër liqenit të Batllaves, është edhe villa e Agim Ademit, njofton Gazeta inFokus.

-Advertisement-

Sipas disa burimeve brenda kësaj ministrie Ademit, i është rrënuar vetëm njëra pjesë e këtij lokali ndërsa si pasojë e rezistencës së tij, për pjesën tjetër i është dhënë afat deri të hënën.

Nëse Kryetari i Federatës nuk e përfill këtë urdhër atëherë rrëzikon që të ballafaqohet edhe me ligjin.

Kryeinspektori i këtij aksioni, Bedri Halimi,  ka bërë me dije për inFokusin së shtatë objektet të cilat nuk janë arritur që të rrënohen sot, nëse nuk plotësojnë afatin e caktuar ndaj tyre mund të ngritet edhe kallzim penal.

Pjesa e mbetur nga villa e Agim Ademit

“Ne i kemi dhenë afat që deri të hënën të bëjnë vetë rrënimin e objekteve të tyre. Edhe i kemi thënë se nëse pas tre diteve nuk realizohen, do t`i bejmë ne në mënyrë të dhunshme. Pastaj do të pasojmë më kallzim penal”, tha Halimi për inFokusin.

Kujtojme se Agim Ademi edhe më parë ka pasur probleme me ligjin.

Ai vite me parë është ballafaquar me gjykatën pasi që ka qënë i akuzuar për zhvatje, korrupsion si dhe për kërcenim ndaj Dritëro Kadollin. Ku këtë të fundin e ka dëtyruar që të bëjë veprime në dëme të pasurisë së tij./GazetainFokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme