Lajme

Kryetari Bahtiri lavdërohet me projektet e Avni Kastratit

Autori: Gazeta inFokus 10:58 | 22 July 2017

Projektet gjigante që janë investim i BE-së dhe kapin shumën rreth 40 milionë euro, si dhe projektet tjera investim i Qeverisë së Kosovës me vlerë pothuajse të njëjtë, kanë rigjallëruar qytetin e Mitrovicës.

Këto projekte që patën filluar gjatë viteve kur PDK-ja dhe Avni Kastrati udhëheqnin me këtë komunë, kryetari aktual Agim Bahtiri po ia atribuon vetes, derisa qytetarët akuzojnë këtë të fundit se po krenohet me projektet e tjetërkujt.

Melihate Meha, qytetare e Mitrovicës, ka bërë të ditur për KosovaPress se dihet botërisht kur kanë nisur këto projekte dhe kush është meritor për to.

-Advertisement-

Sadik Deliqi, një qytetar tjetër mitrovicas, çështjen e meritave rreth këtyre projekteve e ka shpjeguar duke marrë shembullin e gatuarjes së pites.

Sipas tij, piten e ka përgatitur Kastrati, ndërsa Bahtiri vetëm e ka shtruar sofrën.

Edhe Fatime Onbashi nga Mitrovica, potencoi se projektet që kanë filluar dikur dhe tani po përurohen, janë meritë ekskluzivisht e ish kryetarit Kastrati.

Ai nuk deshi të flas për meritat dhe njerëzit meritorë, duke thënë se qytetarët janë ata të cilët japin më së miri vlerësimin rreth kësaj çështje.

Në anën tjetër, Agjencia e Pavarur e Lajmeve KosovaPress ka provuar për disa ditë të kontaktojë kryetarin e komunës së Mitrovicës, Agim Bahtiri, për të marrë një prononcim rreth kësaj çështje.

Ai fillimisht përmes zëdhënëses Albana … ka refuzuar të flas para kamerës, duke sugjeruar që pyetjet t’i dërgohen përmes postës elektronike në adresë të Zyrës për informim, dhe se vetëm në këtë formë mund të komunikoj rreth kësaj problematike. Mirëpo, pasi është njoftuar me pyetjet, ai nuk ka dashur të përgjigjet fare as përmes kësaj forme, edhe pse përmes zëdhënëses së tij kishte premtuar një gjë të tillë.

Ndryshe, projektet si Shëtitorja e qytetit, Qendra multifunksionale, Palestra sportive, Liqeni akumulues, Shkolla për fëmijë me nevoja të veçanta, Universiteti publik etj, janë vetëm disa nga projektet që ishin përgatitur dhe kishin nisur në kohën e Avni Kastratit, disa prej të cilave janë përuruar pak kohë më parë, dhe të tjerat pritet të përurohen sivjet para zgjedhjeve.

 

Subscribe në YouTube: GAZETA INFOKUSI
Etiketa:

Të tjera

Fokusi

lajme