Lajme

Kryeprokurori i Speciales: Është duke u ekzaminuar vendi i ngjarjes

Autori: Gazeta inFokus 12:57 | 27 November 2021

Kryeprokurori i Prokurorisë Speciale të Republikës së Kosovës (PSRK), Blerim Isufaj, ka deklaruar që lënda e vrasjes së trefishtë në Gllogjan, nuk ka kaluar në kompetencë nga PSRK.

I kontaktuar nga “Betimi për Drejtësi”, Isufaj ka thënë që është ende herët të flasin, pa u sqaruar rrethanat.

I njëjti shtoi se dje kanë dalë në vendin e ngjarjes, pasi e kanë marrë lajmin për rastin në Gllogjan, ndërsa lidhur me hetimet tha se ende nuk ka diçka të re, raporton “BetimipërDrejtësi“.

-Advertisement-

“Është duke u ekzaminuar vendi i ngjarjes, nuk kemi diçka për momentin, le të dihen provat një herë”, tha Isufaj.

Ndryshe, Policia e Kosovës (PK), përmes raportit 24-orësh ka dhënë detaje rreth sulmit të mbrëmshëm ndaj autobusit në Gllogjan, ku mbetën të vrarë tre persona dhe një u lëndua.

Sipas policisë, i dyshuari gjendet ende në arrati, ndërsa policia po vazhdon hetimet lidhur me rastin.

Në anën tjetër, drejtori i Përgjithshëm i Policisë, Samedin Mehmeti mbrëmë tha se ka dy-tri pista, në të cilat janë duke u zhvilluar hetimet.

Ngjarja tragjike e së premtes mbrëma ka nxitur reagime të shumta në publik, krimin e kanë dënuar rëndë edhe krerët e vendit.

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

lajme