Kryenegociatorët e Kosovës dhe Serbisë sot do të takohen në Bruksel
Autori: Gazeta inFokus 07:36 | 23 November 2022
Burimet diplomatike i kanë konfirmuar Radios Evropa e Lirë se të mërkurën në Bruksel do të takohen kryenegociatorët e Kosovës dhe Serbisë, Besnik Bislimi dhe Petar Petkoviq – nën ndërmjetësim të të dërguarit të Bashkimit Evropian për dialogun, Mirosllav Lajçak – për të diskutuar zgjidhjen për çështjen e targave ilegale serbe.
Këto burime kanë thënë se palët kanë konfirmuar pjesëmarrjen në këtë takim, që është konsideruar urgjent. Takimi do të zhvillohet vetëm dy ditë pas një takimi që ka rezultuar pa marrëveshje mes kryeministrit të Kosovës, Albin Kurti dhe presidentit të Serbisë, Aleksandar Vuçiq, lidhur me çështjen e targave. Përfaqësuesi i Lartë i BE-së për Politikë të Jashtme dhe Siguri, Josep Borrell, e ka hedhur fajin sidomos te pala e Kosovës për mosarritje të marrëveshjes.
Me kërkesë të Shteteve të Bashkuara, Kurti e ka shtyrë për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS – Republika e Kosovës. Ai ka thënë të martën se ambasadori amerikan, Jeffrey Hovenier, është shumë i përkushtuar për gjetjen e një zgjidhjeje për çështjen e targave ilegale serbe.
“Shtetet e Bashkuara i duan edhe 48 orë që përafrimi i djeshëm të mund të shndërrohet në dakordim sot ose nesër. Po i bëjmë përpjekjet maksimale. Unë nuk mendoj që jemi në orët kur duhet të flasim për shtyrje të reja, duhet të flasim për intensitet maksimal, në mënyrë që brenda 48 orëve ta kemi marrëveshjen siç e synuam në Bruksel, duke mos u kufizuar në çështjet siç është puna e targave”.
Faza e dytë parasheh shqiptimin e gjobave prej 150 eurosh për qytetarët që qarkullojnë me automjete me targa të tilla.
Ambasadori amerikan në Kosovë, Jeffrey Hovenier, ka thënë se e ka kërkuar këtë shtyrje për t’i lejuar zyrtarët evropianë dhe ata amerikanë që të angazhohen me Kosovën dhe Serbinë për të gjetur zgjidhje për këtë çështje.
Kurti ka thënë se prej takimit 8-orësh të 21 nëntorit, ai nuk ka qenë në kontakt me zyrtarët evropianë lidhur me çështjen e targave. “Me keqardhje ritheksoj se (kryediplomati i Bashkimit Evropian, Josep) Borrell braktisi propozimin franko-gjerman, propozimin e Bashkimit Evropian duke thënë ‘le ta kemi një darkordim për targat’. Nuk mjafton dakordimi për targat”, ka thënë mes tjerash Kurti.
Sipas tij, “korrigjimi i gabimit të Borrellit është i domosdoshëm”. “Është gabim i madh që të braktiset biseda për normalizim të marrëdhënieve dhe liderët, presidenti i Serbisë, dhe unë si kryeministër i Kosovës, të flasim e të dakordohemi veçse për targat, për të cilat, dorën në zemër, as ai në Serbi, as unë në Kosovë, nuk jemi personat në kompetentë”.
Më 21 nëntor, zëdhënësi i Bashkimit Evropian për Politikë të Jashtme dhe Siguri, Peter Stano, ka thënë se është i pavërtetë çfarëdo pretendimi se Bashkimi Evropian është duke hequr dorë nga propozimi për normalizim të marrëdhënieve mes Kosovës dhe Serbisë, i cili, sipas tij, mbështetet nga Gjermania, Franca dhe Shtetet e Bashkuara.
Presidenti serb, Aleksandar Vuçiq, ka thënë pas takimit se pala serbe do t’i respektojë “këshillat dhe kërkesat” e kryediplomatit evropian, Borrell, i cili ndërmjetësoi bisedimet. Shqiptimi i gjobës është pjesë e vendimit të Qeverisë së Kosovës për riregjistrimin e makinave me targa ilegale serbe në RKS – Republika e Kosovës.
Faza e parë parashihte qortimin, e dyta parasheh shqiptimin e gjobës dhe më vonë parashihet të vendosen disa targa provuese. Sipas vendimit të Qeverisë, pas 21 prillit, në Kosovë nuk duhet të ketë më makina me targa të tilla që lëshojnë autoritetet serbe.
Serbia – e cila lëshon targa të paligjshme për serbët e Kosovës që nga paslufta më 1999, e kundërshton këtë plan – duke insistuar në targa neutrale ndaj statusit të Kosovës. Si pasojë e tensioneve të ngritura, serbët e veriut të Kosovës – ku qarkullojnë kryesisht makinat me targa të paligjshme – kanë dhënë dorëheqje nga institucionet e Kosovës. Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian. Procesi i negociatave pritet të përfundojë me marrëveshje ligjërisht të detyrueshme. Ndonëse Kosova deklaron se kjo marrëveshje duhet të përfshijë njohjen e ndërsjellë, Serbia nuk pranon, duke insistuar në “zgjidhje kompromisi”/ REL/.
Të tjera
-
Maqedonci: FSK-ja është e aftë për mbrojtje të territorit
Ministri i Mbrojtjes, Ejup Maqedonci, tha se Forca e Sigurisë së Kosovës ësht...
-
KFOR-i demanton qeverinë: Inspektimi i Urës së Ibrit u bë pa koordinim me ne – u njoftuam disa orë para se të niste
Institucionet e Kosovës kanë bërë dje inspektime mbi qëndrueshmërinë fizike t...
-
Tortura me shkop e shufër hekuri”, Nait Hasani rrëfen dhunën çnjerëzore të UDB-ashëve
Ish i burgosuri politi, Nait Hasani ka zbuluar detaje tronditëse të torturave...
-
Kurrë këtë ditë se kam mendu…” – Reagon vëllai i Hajrizit, pasi u konfirmua se Fatoni u vra
Zyrtarisht është konfirmuar se personi i vrarë nga forcat serbe është Faton H...
-
MPJD-ja njofton se Serbia ka dhënë lejen për tërheqjen e trupit të Faton Hajrizit
Ministria e Punëve të Jashtme dhe Diasporës me anë të një njoftimi ka bërë me...
-
“Misioni u krye me sukses”, Koci paralajmëron kthimin e trupit të Faton Hajrizit
Avokati Arianit Koci i cili sot gjatë ditës ka qëndruar në Lloznicë, ku nga m...
-
Mundësi për punë sezonale në Gjermani/ Çfarë duhet të dinë studentët
Gjermania vazhdon të kërkojë profesionistë të kualifikuar të huaj, për më tep...
-
Rrahja e Medi Isenit, arrestohet pejani që u shoqërua me Noizyn natën kritike
Pas shpalljes në kërkim të dy reperëve, Policia në koordinim me Prokurorinë T...
-
Stresi e quan ‘Zdralic’ Haxhiun: S’do ta lejoj veç pse i teket ministres
Këngëtari i njohur Stresi i ka reaguar ministres së Drejtësisë, Albulena Haxh...
-
E rëndë në Skenderaj: Xhaxhai plagos rëndë nipin 3-vjeçar duke gjuajtur me armë zjarri një kafshë
Përdorimi i armës që e mbante ilegalisht përfundoi me plagosje në fshatin Abr...
-
Ky është zjarrëfikësi që humbi jetën në Klinë
Një zjarrëfikes ka humbur jetën sot në Krushevë të Klinës. Viktima ish...
-
Bie fluksi i pritjeve në pikat kufitare për të hyrë në Kosovë
Gjatë ditës së sotme, në pikat kufitare të Kosovës, pritjet për të hyrë brend...