Lajme

Kryeministrja finlandeze lirohet nga akuza për neglizhencë të detyrave

Autori: Gazeta inFokus 23:02 | 04 November 2022

Kryeministrja finlandeze, Sanna Marin, është liruar nga akuza për sjelljet e pahijshme, pasi videoja në gusht e shfaqi festën e saj.

Në pamjet e publikuara, 36-vjeçarja u pa duke kërcyer me miqtë dhe të famshmit.

Mësohet se janë paraqitur dhjetëra ankesa, duke pretenduar se sjellja e Marin minoi “reputacionin dhe sigurinë” e Finlandës.

-Advertisement-

Por, kancelari i drejtësisë, Tuomas Poysti, arriti në përfundimin se Marin nuk i kishte neglizhuar detyrat e saj si kryeministre.

Nuk kishte “asnjë arsye për të dyshuar kryeministren për sjellje të paligjshme në kryerjen e detyrave të saj ose për neglizhencë të detyrave të saj zyrtare”, tha ai pas një hetimi zyrtar.Sanna Marin bëri një test droge “për të pastruar çdo dyshim”, pas disa komenteve të sugjeruara të dëgjuara në video që i referoheshin lëndëve narkotike. Testi doli negativ.

Në atë kohë, kryeministrja finlandeze tha se videoja ishte filmuar në “ambiente private” dhe se ajo kishte kaluar “një mbrëmje me miqtë”.Kur u pyet për videon, ajo u tha gazetarëve: “Unë jam njeri. Edhe unë ndonjëherë dua gëzim, dritë dhe argëtim mes këtyre reve të errëta”.

Incidenti bëri që shumë gra të dalin në mbështetje të kryeministres Marin. Në Finlandë, ato nisën të postonin në rrjete sociale video të tyre duke “kërcyer në solidaritet”.

Subscribe në YouTube: GAZETA INFOKUSI