Lajme

Kryediplomati ukrainas: Rusia përpiqet të frikësojë Perëndimin me paralajmërimin e Luftës së Tretë Botërore

Autori: Gazeta inFokus 09:23 | 26 April 2022

Rusia “ndjen” humbjen e saj në Ukrainë dhe për këtë arsye po përpiqet të frikësojë Perëndimin kundër mbështetjes së Kievit duke paralajmëruar kërcënimin e shpërthimit të Luftës së Tretë Botërore, ka shkruar në Twitter ministri i Jashtëm ukrainas, Dmytro Kuleba.

“Rusia humbet shpresën e fundit për të trembur botën që të mos mbështesë Ukrainën. Kështu flitet për një rrezik ‘real’ të Luftës së Tretë Botërore. Kjo do të thotë vetëm se Moska ndjen humbjen në Ukrainë”, thotë ai, shkruan Skynews, transmeton Klankosova.tv.

Kuleba, mes tjerash, thotë se për këtë bota duhet të dyfishojë mbështetjen e Ukrainës në mënyrë që ne të mbizotërojmë dhe të ruajmë sigurinë evropiane dhe globale.”

Tweet-i i Kuleba, i shkruar në anglisht, erdhi pasi Ministri i Jashtëm rus Sergei Lavrov tha se dërgesat perëndimore të armëve në Ukrainë nënkuptonin se NATO ishte “në thelb e angazhuar në luftë me Rusinë” dhe kishte rrezik “të konsiderueshëm” të përshkallëzimit të konfliktit.

Të tjera