Kroacia e mbështet, por liberalizimi i vizave varet nga Bashkimi Evropian
Autori: Gazeta inFokus 10:49 | 20 October 2020
Deputetja shqiptare e Parlamentit të Kroacisë, Ermina Lekaj-Përlaskaj, deklaroi se shteti kroat mbështet liberalizimin e vizave për Kosovën, porse kjo çështje varet nga Bashkimi Evropian. Gjithashtu, ajo tha se bizneset kroate nuk e shohin një vend të sigurt Kosovën për të bërë investime, e këtu sipas saj ndikojnë edhe turbulencat politike në vend.
Lekaj-Përlaskaj, në një intervistë për KosovaPress, flet edhe për bashkëpunimin mes Kosovës dhe Kroacisë, mungesën e bashkëpunimit ekonomik dhe gjendjen e kosovarëve në Kroaci.
Deputetja që për tri mandate në Parlamentin e Kroacisë përfaqëson shqiptarët, thotë se shteti kroat e ka vullnetin që të mbështesë Kosovën drejt rrugës për në Bashkimin Evropian.
“Sa i përket bashkëpunimit politik është në një nivel të duhur, mirëpo këtu mungon bashkëpunimi ekonomik dhe diplomatik, dhe mendoj që Kosova mund të mësojë shumë nga Kroacia, sepse Kroacia e ka vullnetin të jetë mbështetëse e Kosovës për hyrjen e saj në Bashkimin Evropian, pra për integrimin e Kosovës në Bashkimin Evropian këtu e ka mbështetjen më të fortë Kroacinë”, thotë ajo.
Ajo potencon se bizneset kroate nuk e shohin një vend të sigurt Kosovën për të bërë investime, për çka tha se është duke punuar që të rihapet Oda Ekonomike atje.
“Turbulencat politike që janë brenda në Kosovë dhe një pasiguri. Mendoj që kur të arrihen këto gjëra që të bëhet një siguri më e fortë këtu në Kosovë, atëherë do të jetë edhe interesimi më i madh i kroatëve të investojnë këtu. Edhe pse njëjtë është një mangësi se në vitin 2013 është mbyllur Oda Ekonomike dhe jam duke punuar në atë drejtim që të rihapet prapë Oda Ekonomike që bizneset kroate dhe kosovare të kenë një bashkëpunim më të ngushtë dhe ta kenë një adresë të caktuar ku do të marrin pjesë dhe ku do të komunikojnë”, potencon ajo.
Deputetja Lekaj-Përlaskaj foli edhe për çështjen e liberalizimit të vizave për Kosovën, për çka thotë se shteti i Kroacisë e ka mbështetur Kosovën në këtë aspekt.
“Unë mund të them një gjë që liberalizimi i vizave varet nga Bashkimi Evropian nga Brukseli, sa i përket Kroacisë e di që Kroacia e ka ndërmarrë këtë iniciativë. Mirëpo, prapë duhet të kthehem nga kjo që edhe Kosova duhet t’i plotësojë disa kushte, disa kapituj të cilat janë dhënë si kusht nga ana e Bashkimit Evropian”, thotë ajo.
Sa i përket gjendjes së shqiptarëve në Kroaci, deputetja Lekaj-Përlaskaj thotë se të drejtat e tyre respektohen shumë nga shteti i Kroacisë.
Megjithatë, sfidë thotë për komunitetin shqiptar atje është që të rinjtë që shkollohen atje të punësohen në institucionet qendrore dhe lokale kroate.
“Sa i përket komunitetit shqiptar në Kroaci mund të them se shqiptarët janë një popull shumë i zellshëm dhe punëtor që ka arritur në Kroaci të jep një kontribut të madh, së pari gjatë luftës atdhetare në Kroaci dhe pastaj me bizneset e tyre. Kështu që, është fat i mirë që shumë pak kemi raste sociale, pak e aspak. Ajo çka është më rëndësi është që kërkesat e shqiptarëve t’i arrijmë në një nivel më të lartë se deri më tani. Tani është që të kemi katedrën e Albanologjisë, të kemi një bashkëpunim më të ngushtë mes shtetit kroat dhe shtetit të Kosovës, të kemi disa shtëpi të kulturës, që kemi arritur deri tani t’i hapim tri shtëpi të kulturës në qarqe të ndryshme. Si dhe të rinjtë tanë të cilët janë të lindur dhe të rritur atje mos ta harrojnë origjinën e tyre dhe ta ruajnë gjuhën, kulturën dhe traditën e tyre. Të gjitha këto i kemi të garantuara me ligjin kushtetues të Republikës së Kroacisë, që më të vërtetë mund të them që është një ligj për shembull që mund të merret në këtë rajon”, thotë ajo.
Ajo thotë se në Kroaci janë 17 shkolla fillore dhe në një gjimnaz mbahet mësimi plotësues në gjuhen shqipe.
Të tjera
-
“Veç mos shaj najsen”: Mesazhi i Kusari-Lilës për deputetin e VV-së që tregon si kurdiset debati në Kuvend
Komunikimet ndërmjet deputetëve të grupit parlamentar të Vetëvendosjes vazhdo...
-
I jepet lamtumira e fundit 48 vjeçares që u vr* të martën në gjuajtet me arm* në Kolovicë (PAMJE)
Sot është përcjellë për në banesën e fundit 48 vjeçarja e cila vdiq si pasojë...
-
Kishte rënë në një humnerë pesë metra, gjendet i gjallë 61-vjeçari në Prevallë i cili u raportua i zhdukur
Nëntë ditë më parë në polici ishte raportuar se një person nga Ferizaj me bas...
-
KQZ pritet të vendosë për kamera në vendvotime
Në Komisionin Qendror të Zgjedhjeve, është diskutuar lidhur me aktivitetet e ...
-
Vlora Çitaku zgjidhet Sekretare e Përgjithshme e PDK-së
Këshilli Drejtues i Partisë Demokratike të Kosovës ka mbajtur sot mbledhjen e...
-
Vuçiq pa detaje rreth “ditëve të vështira” për Serbinë
Presidenti serb, Aleksandar Vuçiq, tha se më 28 mars Serbinë e presin “ditë t...
-
Del video nga ngjarja që tronditi Prishtinën: Kështu nisën të shtënat me armë në Kolovicë
Policia e Kosovës ditë më parë ka dhënë detaje lidhur me vrasjen e së martës ...
-
Nuk votohet në Kuvend Projektdeklarata për raportet e Kosovës me ShBA-në
Deputetët e Kuvendit të Kosovës nuk kanë arritur që as edhe në seancën e sotm...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Kurti për masakrën e Izbicës: Prokuroria e Shtetit e ka mbështetjen e plotë që kriminelët të jenë prapa grilave
Pas homazheve te familjet Bogujevci, Duriqi dhe Llugaliu, kryeministri i Koso...
-
PDK voton Kryesinë e Re, Bedri Hamza merr mbështetje si kandidat për kryeministër
Këshilli Drejtues i PDK-së ka mbajtur sot mbledhjen e radhës me ftesë të krye...
-
Osmani: Strategjia e regjimit gjenocidal të Serbisë ishte shfarosja etnike
Presidentja e Kosovës, Vjosa Osmani ka kujtuar masakrën ndaj familjeve Boguje...