Lajme

Kriza politike në Gjermani, ja çka deklaroi Merkel

Autori: Gazeta inFokus 11:09 | 21 November 2017

Kancelarja gjermane, Angela Merkel preferon të shkojë më mirë në zgjedhje të parakohshme sesa të qeverisë në pakicë, sipas televizionit gjerman publik “ARD”.

Merkel deklaroi se ishte e gatshme të udhëhiqte partinë e saj në rast se zhvilloheshin zgjedhjet e parakohshme.

“Sipas këndvështrimit tim ne ishim shumë afër marrëveshjes për bashkëqeverisje ”, tha kancelarja duke komentuar daljen nga skema e koalicionit të Demokratëve të Lirë (FDP) dhe dështimin e bisedimeve, mbrëmjen e djeshme.

-Advertisement-

“Përgjegjësia për dështimin e bisedimeve për formimin e një koalicioni të ri qeverisës bie mbi liberalët”, shtoi Merkel.Duke refuzuar koalicionin e ri qeverisës , partia e Lindner u ka përcjellë votuesve këtë mesazh:

“Ato çfarë iu kemi premtuar, tashmë nuk vlejnë më “, tha Merkel për televizionin kombëtar “ARD”.

Kancelarja, Merkel shprehu vlerësimin e saj ndaj të Gjelbërve, të cilët në shumë çështje të bisedimeve kishin rënë dakord me konservatorët e saj të Unionit Kristiandemokrat.“Një marrëveshje edhe mund të ishte arritur”, deklaroi kancelarja gjermane, Merkel.

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme