Kreu i Komisionit për Siguri Kombëtare: Konflikti Ukrainë-Rusi s’do përhapet në Ballkan
Autori: Gazeta inFokus 12:26 | 29 January 2022
Kryetari i Komisionit për Siguri Kombëtare në Parlamentin e Shqipërisë, Nasi Naço deklaroi se konflikti Ukrainë-Rusi nuk do të përhapet edhe në Ballkan. Deputeti socialist tha për KosovaPress se Kosova duhet të hedh hapa të vendosur dhe të ngadaltë karshi marrëveshjes me Serbinë. Ish-drejtori i Shërbimit Informativ në Ministrinë e Brendshme të Shqipërisë flet edhe për kapacitetet mbrojtëse të të dy vendeve.
Duke iu rikthyer zhvillimeve mes Rusisë dhe Ukrainës, Naço u shpreh se nga informacionet që kanë marr si vend anëtar i NATO-s nuk beson që vala e konfliktit Ukrainë-Rusi do të përhapet edhe në Ballkan.
“Nuk besoj që vala e konfliktit që është në Ukrainë dhe Rusi do të përhapet edhe në Ballkan, e thash edhe pak më përpara si vend anëtar i NATO-s kemi shkëmbyer edhe kemi marr informacione reciproke në kuadër të NATO-s dhe besoj që duhet më shumë punë, më shumë bashkëpunim midis vendeve të rajonit sepse sa më të bashkëpunues që jemi aq më të sigurta do të jenë vendet e rajonit. […] Përpjekjet ruse për të dalë në Ballkan dhe Mesdhe kanë qenë historikisht të vazhdueshme siç janë edhe përpjekjet tona për të frenuar dhe vendosur një kordon sanitar midis vendeve të lindjes dhe vendeve të Ballkanit Perëndimor dhe NATO-s në veçanti”, u shpreh Naço.
Ish-ministri i Drejtësisë së Shqipërisë foli edhe për një marrëveshjeje të mundshme finale mes Kosovës dhe Serbisë, duke thënë se duhet të hidhen hapa të ngadaltë por të vendosur, pasi si vende të rajonit bashkëpunimi është i pashmangshëm, sidomos në aspiratat për anëtarësim në Bashkimin Evropian.
“Besoj që duhet të hedhim hapa të vendosur por të ngadaltë në këtë drejtim (drejt marrëveshjes finale) sepse janë vendet e rajonit dhe jemi të detyruar të bashkëpunojmë brenda standardeve të gjithë pranuara si një vend i BE-së. […] Besoj që objektivi ynë është Bashkimi Evropian dhe brenda kuadrit të BE-së duhet të hedhim hapa të vegjël por edhe të sigurtë drejt Bashkimit Evropian, besoj që kjo do jetë zgjidhja për ne, për Kosovën dhe për të gjithë Evropën Perëndimore”, theksoi deputeti i PS-së në Shqipëri.
Ish-shefi i Sektorit kundër Akteve Terroriste theksoi se Kosova dhe Shqipëria çdo ditë po forcojnë kapacitetet e tyre mbrojtëse porse prej kësaj nuk ka pse të shqetësohet askush.
“Siç janë vendet e tjera të rajonit por edhe Kosova dhe Shqipëria në çdo moment në çdo rast si vend anëtar i NATO-s dhe partner të fuqishëm SHBA-të çdo ditë po forcojnë kapacitetet e tyre mbrojtëse sepse ne flasim për mbrojtje dhe nuk na shkon asnjëherë në mendje për të sulmuar vendet e tjera të rajonit dhe themi kemi mbështetjen e partnerëve euroatlantikë dhe jemi të garantuar në këtë drejtim”, shprehet ai.
Naço së bashku me anëtarët e Komisionit për Siguri Kombëtare të Kuvendit të Shqipërisë qëndroi për një vizitë dyditore në Kosovë ku takuan krerët e të gjitha institucioneve të sigurisë në vend.
Të tjera
-
Tri banesa, rezidencë, veturë Tesla e koleksion pikturash milionëshe – pasuria e majme e Përparim Ramës
Kryetari i Komunës së Prishtinës, Përparim Rama ka publikuar ka deklaruar pas...
-
Lajçak: Aktualisht s’ka ndonjë progres për Asociacionin, pa të s’ka normalizim raportesh
“Nëse nuk ka përparim sa i përket formimit të Asociacionit të Komunave Serbe,...
-
Ambasadori britanik në Serbi: Mbështesim anëtarësimin e Kosovës në KiE dhe organizatat tjera
Ambasadori i Britanisë së Madhe në Serbi, Edward Ferguson, ka thënë se Londra...
-
Luftả e Kosovës në objektivin e fotoreporterit danez, Jan Grarup (FOTO)
Kur lufta në Kosovë përfundoi, fotoreporteri danez, Jan Grarup, mendoi se më ...
-
Konfiskohen produkte ilegale farmaceutike në veri
Inspektorati Farmaceutik në bashkëpunim me Policinë e Kosovës, më 16 prill ka...
-
Dy banesa në një lagje luksoze, kjo është pasuria e deklaruar nga Liburn Aliu
Ministri i Mjedisit, Planifikimit Hapësinor dhe Infrastrukturës, Liburn Aliu,...
-
Stërvitjet ushtarake, Vuçiq flet rreth planeve për Kosovën
Presidenti i Serbisë Aleksandar Vuçiq ka hedhur poshtë deklarimet se “vendi i...
-
Ish-kryeministri slloven Borut Pahor po synon pozitën e Lajçakut: Do të ofroj referencat e mija për dialogun Kosovë-Serbi
Ish-presidenti slloven Borut Pahor, i cili po synon pozitën që do ta lërë emi...
-
Deklarimi i çuditshëm i pasurisë nga Hysamedin Feraj: Shtëpinë e llogaritë 12 euro e 50 cent, banesën rreth 115 euro
Hysamedin Feraj çudit me vlerën e pasurive, deklaron shtëpi 12 euro e 50 cent...
-
Gazetari serb: Vuçiq dhe Lista Serbe do t’i tradhëtojnë deri në fund serbët e Kosovës
Analisti serb, Branisllav Kërstiq, ka deklaruar se në amplitudën e tradhëtisë...
-
Hoti ngre alarmin për mungesë të investimeve kapitale, kërkon rishikim të politikave fiskale
Ish-kryeministri i Kosovës, Avdullah Hoti deklaron se në Qeverinë Kurti janë ...
-
Shkoi për ta vizituar babanë, u bë piktor i njohur, historia frymëzuese e Zecir Gashit nga Gjermania
Një histori frymëzuese nis në vitin 1994 kur Zecir Gashi, kishte udhëtuar për...