Kreu i drejtësisë në Iran kërcënon gratë që dalin pa hixhab
Autori: Gazeta inFokus 11:00 | 01 April 2023
I përballur me një numër gjithnjë e më të madh të grave që kundërshtojnë kodin e detyrueshëm të veshjes, shefi i drejtësisë iraniane i ka kërcënuar ato se do t’i ndjekë penalisht “pa mëshirë” gratë që shfaqen në publik pa mbulesë, sipas raportimeve të mediave iraniane të shtunën.
Paralajmërimi i Gholamhossein Mohseni Ejeit vjen pas një deklarate të së enjtes, 30 mars, nga Ministria e Punëve të Brendshme që ritheksoi ligjin e detyrueshëm të qeverisë për hixhab.
“Zbulimi është i barabartë me armiqësi sipas vlerave [tona]”, citohet të ketë thënë Ejei nga disa mediume iraniane. Ata “që kryejnë veprime të tilla anormale do të ndëshkohen” dhe do të “ndiqen penalisht pa mëshirë”, tha ai, pa zbuluar se për çfarë dënime e kishte fjalën.
Ejei, kreu i drejtësisë iraniane, tha se oficerët e zbatimit të ligjit ishin “të detyruar t’ua referonin autoriteteve gjyqësore krimet e vërejtshme dhe çdo lloj anomalie që është në kundërshtim me ligjin fetar dhe ndodh në publik”.
Një numër gjithnjë e më i madh i grave iraniane kanë vendosur t’i heqin mbulesat e tyre pas vdekjes së një gruaje kurde 22-vjeçare gjatë kohës sa ishte në paraburgim, pas arrestimit nga policia e moralit në shtator të vitit të kaluar. Mahsa Amini ishte arrestuar për dyshimin se kishte shkelur rregullin e hixhabit.
Forcat qeveritare kundërshtuan dhunshëm revoltën mbarëkombëtare disamujore që pasoi vdekjen e Mahsa Aminit.
Megjithatë, edhe pse rrezikojnë të arrestohen për kundërshtim të kodit të detyrueshëm të veshjes, shumë gra shfaqen pa hixhab në qendra tregtare, restorante, dyqane dhe rrugë anembanë vendit. Video ku shihen gra të pambuluara teksa i rezistojnë policisë së moralit janë shpërndarë në mënyrë masive në rrjetet sociale.
Sipas ligjit islamik të Iranit, të imponuar pas revolucionit të vitit 1979, gratë janë të detyruara të mbulojnë flokët dhe të veshin rroba të gjata e të gjera për të maskuar format e tyre trupore. Gratë që nuk i kanë respektuar këto rregulla janë përballur me qortime publike, gjoba apo arrestime.
Duke e përshkruar mbulesën si “një nga themelet e civilizimit të kombit iranian” dhe “një nga parimet praktike të Republikës Islamike”, në deklaratën e së enjtes nga Ministria e Brendshme tutje thuhej se nuk do të kishte “hap prapa apo tolerancë” për këtë çështje.
Ministria e Brendshme u bëri thirrje qytetarëve që t’i konfrontojnë gratë e pambuluara. Direktiva të tjera të ngjashme në dekadat e fundit i kanë inkurajuar përkrahësit e regjimit iranian t’i sulmojnë gratë pa u ndëshkuar./REL/
Të tjera
-
Sot mbahen zgjedhjet për president në Maqedoni të Veriut, në garë shtatë kandidatë
Qytetarët e Republikës së Maqedonisë së Veriut sot nga ora 7 deri në 19 do të...
-
Rohde: Për t’u anëtarësuar në KiE, Kosova duhet të bëjë “hapa të prekshëm” për Asociacionin
Ambasadori i Gjermanisë në Kosovë, Jorn Rohde, ka thënë se Kosova duhet të bë...
-
Ja emrat e dekanëve të rinj të Universitetit të Prishtinës
Dje, në Universitetin e Prishtinës, është zhvilluar procesi i zgjedhjes së de...
-
Kurti: Besojmë që Franca ta mbështesë Kosovën në KiE pa parakushte
Kryeministri i Republikës, Albin Kurti ka thënë se në bisedën e sotme telefon...
-
U kërcënua se mbështeti Kosovën në KiE, i ofrohet mbrojtje policore deputetit boshnjak
Policia e Bosnje dhe Hercegovinës, i ka ndarë mbrojtje të afërt deputetit, Sa...
-
Mot me diell dhe vranë, temperaturat shënojnë rritje
Për të mërkurën në Kosovë parashikohet të mbajë mot me vranësira dhe interval...
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...