Fokus

Krejt çka Walker tha pas takimit me Thaçin

Autori: Halil Berisha 15:28 | 19 January 2020

William Walker këtë të diele ishte për takim tek Presidenti i Kosovës Hashim Thaçi.

Pas takimit Walker bashkë me Thaçin u prononcuan për media, shkruan gazeta inFokus.

Këtu, miku i madh i shqiptarëve foli edhe për gjendjen aktuale të Kosovës, politikën, por edhe për vet Presidentin Thaçi.

“Para se të them diçka, do të doja ta falënderoj Presidentin dhe t’ia jap dorën që ta kuptojnë të gjithë, faleminderit, shumë faleminderit”, ishte fjalia e parë që e tha Walker.

“Sikur e dinë të gjithë, unë vij në Kosovë aq shpesh sa mundem, e gjithmonë më duhet që të korrektoj gjërat që i kam thënë në të kaluarën, më duhet që të mësoj edhe gjëra të reja për këtë shtet që e kam parë tek rritët për plot 20 vite, sigurisht që jam shumë krenar me atë që ka ndodhur për 20 vitet e kaluara këtu, edhe pse shpesh dëshiroj, në fakt nuk dëshiroj por kritikoj shumë gjëra që kanë mundur të shkojnë më mirë e është dashur të shkojnë më mirë, por jam shumë krenar me atë që ka arritur Republika e Kosovës dhe çfarë është sot, e sidomos kur e krahasojmë me para 21 vitesh, këtë herë kam ardhur dhe kam më shumë kohë të takohem me Presidentin, ky është shumë i zënë, unë jo edhe aq, por kam mësuar shumë gjëra, për shembull isha në Krushë dhe dëgjova shumë gjëra që kanë ndodhur atje, ndoshta edhe më të këqija se në Reçak, e di, unë identifikohem me Reçakun, ashtu edhe siç duhet, por doja të ju tregoj popullit të Krushës dhe qindra njerëzve të tjerë që përjetuan masakrat e gjërat e këqija që ndodhën para dhe gjatë luftës, ashtu sikur unë vazhdoj të mësoj shumë gjëra për Kosovën, për këtë arsye edhe kam ardhur, gjithashtu këtu kam ardhur që të shoh se ju jeni në mes të një situate shumë interesante politike tani”, ka thënë Walker.

E miku amerikan ani se thotë që u takua me shumë akterë të situatës aktuale politike thotë që është paksa konfuz, shkruan gazeta inFokus.

“Shpresoj që të dëgjoj edhe më shumë se ku jemi, çfarë po ndodhë, kush po fiton, kush po humb politikisht, unë kam folur me disa nga lojtarët por prapë jam paksa konfuz ashtu siç mendoj që edhe shteti është, unë mendoj që Kosovës i duhet një qeveri, ju keni humbur 100 ditë, po shpresoj që kjo nuk shkoj edhe shumë gjatë pa Qeveri e cila duhet të formohet e Kosova të khehet në ndërtimin e rrugëve pasi të gjithë në Kosovë dëshirojnë një shtet më me prosperitet e më të fortë në qendër të Evropës e unë poashtu shpresoj që gjërat të shkojnë në drejtimin e duhur”.

Walker iu drejtua me disa fjalë edhe popullit, shkruan gazeta inFokus.

“Po e shfrytëzoj këtë mundësi që t’i përshëndes miliona miqë në Kosovë e t’iu uroj fat në ditët e ardhshme e të cilat të prodhojnë një rezultat të suksesshëm nga procesi i zgjedhjeve dhe që ky djalë këtu të ketë pak pushim, ai është bërë shumë më i bardhë e më i thinjur e më i lodhur në dukje, por po, jepni pushim e ju lutem mos nxjerrni aso gjëra sikur ajo puna në kafe kur unë po ia tregoja një libër dhe një gjë hsumë interesante dhe një gazetar mendoi që kjo do të thoshte diçka tjetër duke thënë që nuk po i jap dorën, pra nëse nuk ju vjen keq unë do t’ia jap dorën edhe njëherë”, ka thënë Walker”./Gazeta inFokus/

Të tjera