Krejt çka ndodhi sot në aksionin ‘Brezovica’
Autori: Gazeta inFokus 18:54 | 06 January 2022
Prokuroria Themelore e Ferizajt në bashkëpunim më Drejtorinë e Krimeve të Rënda në Prishtinë ka vazhduar sot aksionin ‘Brezovica’ në tri lokacione të ndryshme, konkretisht në Prishtinë, Ferizaj dhe në Shtërpcë, si dhe në hapësirat e Ministrisë së Mjedisit, Planifikimit Hapësinor dhe Infrastrukturës.
Në një konferencë për media janë dhënë detaje rreth këtij aksioni, shkruan Gazeta Infokus.
Kryeprokurori i Prokurorisë Themelore në Ferizaj, Shukri Jashari, ka njoftuar se në aksionin e sotëm janë arrestuar shtatë persona dhe janë bastisur nëntë lokacione, ku janë sekuestruar edhe prova materiale.
Në këtë aksion janë arrestuar kryeinspektori i Ministrisë së Mjedisit, Bedri Halimi dhe ish-sekretari i përgjithshëm i Ministrisë së Mjedisit, Arben Qitaku, të cilët dyshohen për keqpërdorim të detyrës zyrtare.
“Me vendim të prokurorit është ndaluar edhe një qytetar, respektivisht një investitor i një lagjeje në Brezovicë”, tha Jashari.
Kurse si prova materiale policia ka konfiskuar një veturë BMW X1, armë CZE dhe ZASTAVA, 163 fishekë, një kuti me armë, një karikator i zbrazët, një shtëpizë, një jelek anti-plumb, uniformë me mbishkrimin e ish sistemit jugosllav, USB, dokumente, etj.
Prokurori i rastit Rasim Maloku, ka thënë se nga ky aksion kanë ngrirë gjashtë milionë euro nga të pandehurit dhe familjarët e tyre.
“Deri më tani kemi ngrirë afër 6 milionë euro. Shumica e këtyre mjeteve janë të vetë të pandehurve, kurse një pjesë e tyre janë të familjarëve që dyshohet se kanë përfituar si dobi pasurore nga veprat penale”, ka thënë ai.
Maloku gjithashtu tha se ky aksion do të vazhdojë edhe në ditët në vazhdim.
Ndërkaq, Shefi i hetimeve të krimeve të rënda, Agron Haziri, ka thënë se pesë persona janë në kërkim pas aksionit të së enjtes.
“Katër persona të arrestuar, një i dyshuar është liruar në procedurë të rregullt, tre janë në mbajtje për 48 orë. Pesë janë në kërkim policor”, shtoi ai.
Kujtojmë se një aksion i tillë ishte zhvilluar edhe më 21 dhjetor të vitit të kaluar. Në këtë aksion u arrestuan dhjetë zyrtarë. Në mesin e të arrestuarve ishte edhe ish-kryetari i Shtërpcës, Bratisllav Nikoliq./Gazeta Infokus/
Të tjera
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...
-
Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare
Dhjetra besimtarë vdiqën pasi një autobus që shkonte për në një konferencë të...
-
Lumir Abdixhku kandidat i LDK-së për kryeministër
Lumir Abdixhku kandidat i LDK-së për kryeministër Kryetarja e Forumit të G...
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...