Lajme

Krasniqi u shkruan letër Kurtit dhe liderëve të opozitës, përmend dy data kur duhet të shkohet në zgjedhje

Autori: Gazeta inFokus 16:42 | 24 May 2024

Kryetari i PDK-së, Memli Krasniqi, u ka shkruar letër kryeministrit Albin Kurti dhe dy liderëve të partive opozitare, Lumir Abdixhiku dhe Ramush Haradinaj.

Krasniqi në letrën e dërguar ka përmendur nevojën që sipas tij vendi që të shkojë në zgjedhje të reja parlamentare.

Kreu i PDK-së i ka përmendur dy data të mundshme kur duhet të ketë zgjedhje të reja në vend: 30 qershorin ose 7 korrikun.

-Advertisement-

Shkrimi i plotë nga Memli Krasniqi:

Sot, ua kam dërguar nga një letër kryetarit të Lëvizjes Vetëvendosje, Albin Kurti, kryetarit të Lidhjes Demokratike të Kosovës, Lumir Abdixhiku, si dhe kryetarit të Aleancës për Ardhmërinë e Kosovës, Ramush Haradinaj, ku kam ritheksuar qëndrimin e Partisë Demokratike të Kosovës për nevojën e mbajtjes së zgjedhjeve të përgjithshme të parakohshme.

Në takimet e fundit që i kam zhvilluar me secilin lider të këtyre partive parlamentare, kam shprehur qëndrimin se zgjedhjet sot janë një domosdoshmëri qytetare dhe jo një dëshirë politike, andaj tani është koha që të veprojmë të koordinuar dhe me hapa konkret.

Kosova dhe qytetarët tanë kanë nevojë për një qeveri të re që fokusohet në zhvillimin ekonomik, mirëqenien qytetare dhe integrimin euro-atlantik. Zgjedhjet e reja janë thelbësore për të krijuar një Kuvend funksional që është në shërbim të interesit qytetar.

Partia Demokratike e Kosovës ka propozuar datat 30 qershor ose 7 korrik për mbajtjen e zgjedhjeve të parakohshme dhe për shkak të afatave ligjore dhe kushtetuese, për të arritur njërën nga këto data, mocioni procedural për shpërndarjen e Kuvendit të Kosovës, do të duhej të votohej më së largu deri më 29 maj. Andaj, edhe sot, unë i ftoj të gjitha partitë parlamentare që të koordinohemi e të bashkëpunojmë për të mirën e qytetarëve tanë.

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €

Të tjera