Lajme

Krasniqi takohet me Escobarin: Rreshtimi dhe koordinimi me SHBA-të është i pa alternativë

Autori: Gazeta inFokus 14:15 | 01 February 2023

Kryetari i PDK-së, Memli Krasniqi është takuar zëvendësndihmësin e Sekretarit të Shtetit, të Dërguarin ePosaçëm i SHBA-ve për Ballkanin Perëndimor, Gabriel Escobar.

Krasniqi ka thënë se me të kanë biseduar për zhvillimet aktuale politike në vend dhe rajon.

“Z. Escobar i shpreha edhe një herë qëndrimin e vazhdueshëm të PDK-së në lidhje me procesin e dialogut me Serbinë dhe nevojën e arritjes së një marrëveshjeje gjithëpërfshirëse, ligjërisht dhe ndërkombëtarisht të obligueshme, që përfshinë njohjen reciproke.” – ka shkruar Krasniqi.

-Advertisement-

Derek Chollet / Chollet dhe Escobar: Është koha për themelimin e Asociacionit të komunave me shumicë serbe
Shkrimi i plotë:

Gjatë vizitës zyrtare në SHBA, takova Zëvendësndihmësin e Sekretarit të Shtetit, që është edhe i Dërguari i Posaçëm i SHBA-ve për Ballkanin Perëndimor, z.Gabriel Escobar, me të cilin diskutuam për zhvillimet aktuale politike në Kosovë dhe rajon.

Z. Escobar i shpreha edhe një herë qëndrimin e vazhdueshëm të PDK-së në lidhje me procesin e dialogut me Serbinë dhe nevojën e arritjes së një marrëveshjeje gjithëpërfshirëse, ligjërisht dhe ndërkombëtarisht të obligueshme, që përfshinë njohjen reciproke.

Për Kosovën, rreshtimi dhe koordinimi me SHBA-të është i pa alternativë në rrugën e integrimit dhe forcimit të shtetit tonë. Fuqizimi i raporteve bilaterale dhe strategjike ndërmjet Kosovës dhe SHBA-ve është i padiskutueshëm dhe i pandryshueshëm.

Subscribe në YouTube: GAZETA INFOKUSI